Robert Ouko

Na Galipedia, a Wikipedia en galego.
Saltar ata a navegación Saltar á procura
Robert Ouko
Robert Ouko 1981.jpg
Nacemento31 de marzo de 1931
Lugar de nacementoKenya
Falecemento12 de febreiro de 1990
Lugar de falecementoNyanza
NacionalidadeKenya
Alma máterUniversidade Makerere
Ocupaciónpolítico
editar datos en Wikidata ]

Robert John Ouko, nado en Nyahera o 31 de marzo de 1931 e asasinado en Koru o 12 de febreiro de 1990, foi un político kenyano, ministro varias veces nos gobernos de Daniel arap Moi entre 1979 e 1990.

Primeiros anos[editar | editar a fonte]

Robert Ouko naceu no seo da tribo luo, e recibiu a súa educación primaria na na escola de Ogada Primary School e na de Nyang’ori. Estudou logo na Siriba Teachers Training College converténdose en mestre de primaria.

En 1955 logrou o posto de inspector de finanzas públicas de Kisii no distrito de Nyanza Sur, asemade estudaba por correspondencia para obter o certificado en educación na Cambridge School, o que lle permitu estudar entre 1958 e 1962 na Universidade de Adís Abeba en Etiopía un mestrado en administración pública, ciencias económicas e ciencia política. En 1962 obtivo un diploma en relacións internacionais e diplomacia na Universidade Makerere de Uganda.

Vida política[editar | editar a fonte]

Pouco antes da independencia de Kenya en 1963, traballou como secretario adxunto do gobernador británico Patrick Muir Renison e en decembro converteuse en secretario permanente no novo ministerio de traballo kenyano. En 1969 accedeu ao posto de ministro de finanzas e da administración da Comunidade da África Oriental e despois e ata a disolución desta última en 1977 o de economía e mercado común.[1] En 1978 converteuse en membro designado do parlamento kenyano e ministro de economía e asuntos sociais no goberno de Daniel Arap Moi

Elixido como deputado nas eleccións de 1979, converteuse no novo ministro de asuntos exteriores. Reelixido en 1983 e designado ministro de traballo. Tras dunha viaxe oficial a Washington, Ouko entón ministro de exteriores, desapareceu a noite do 12 de febreiro de 1990 na súa propiedade de Koru, preto de Muhoroni. Atopouse o seu corpo sen vida no outeiro próximo de Got Alila o 16 de febreiro. O seu corpo estaba mutilado con signos de tortura. O seu asasinato nunca se resolveu.

Notas[editar | editar a fonte]

  1. Henry Louis Gates, Jr., Emmanuel Akyeampong, Steven J. Niven (2012) Dictionary of African Biography OUP USA, p. 60