Richard James Umbers

Na Galipedia, a Wikipedia en galego.
Richard James Umbers
Bispo da Igrexa católica latina
Biografía
Nacemento17 de marzo de 1971
Ordes
Ordenación sacerdotal1 de setembro de 2002
Consagración episcopal24 de agosto de 2016, por Anthony Colin Joseph Fisher
Bispo auxiliar de Sidney
2016 - actualidade
Outros

Escudo de Richard James Umbers
Fides et Ratio
Ficha en catholic-hierarchy.org

Richard James Umbers, nado o 17 de marzo de 1971 en Otahuhu (Nova Zelandia), é un eclesiástico católico latino, dende 2016 bispo auxiliar de Sidney.

Traxectoria[editar | editar a fonte]

Naceu o 17 de marzo de 1971 en Otahuhu, un suburbio de Auckland, en Nova Zelandia.[1] Logo de rematar os estudos de secundaria en Auckland, trasladouse a Sidney, onde se graduou en Económicas pola Universidade de Sidney en 1993.[1] Posteriormente, en 1995 completou un mestrado en Xestión empresarial na Universidade de Waikato, en Nova Zelandia. Entre 1996 e 1999 realizou estudos eclesiásticos no Colexio Romano da Santa Cruz e na Pontificia Universidade da Santa Cruz,[1] en Roma, e finalmente doutorouse en Filosofía pola Universidade de Navarra en 2002 coa tese "Virtue Epistemology in Linda Zagzebski".[1] O 1 de setembro de 2002 foi ordenado sacerdote da prelatura do Opus Dei no santuario de Torreciudad.[1] Á súa volta a Australia, foi capelán no Redfield College de Dural até 2012 e no Kenvale College de Randwick até 2006, e tamén foi profesor de Ética e Filosofía na Universidade de Notre Dame Australia até 2013.[1]

O 24 de xuño de 2016 foi nomeado bispo auxiliar de Sidney e bispo titular de Thala polo papa Francisco, ao mesmo tempo que o tamén auxiliar Anthony Randazzo.[1] Recibiu a consagración episcopal o 24 de agosto seguinte, de mans do arcebispo de Sidney Anthony Colin Joseph Fisher, e tivo como co-consagrantes ao arcebispo de Brisbane Mark Benedict Coleridge e ao bispo de Macau Stephen Lee Bun Sang.[1][2]

Notas[editar | editar a fonte]

  1. 1,0 1,1 1,2 1,3 1,4 1,5 1,6 1,7 Trèmols, Fina (24 de xuño de 2016). "El papa Francisco nombra a Mons. Richard James Umbers obispo auxiliar de Sydney". unav.edu (Universidade de Navarra) (en castelán). Consultado o 15/05/2023. 
  2. "Two new bishops ordained for the Archdiocese of Sydney". The Record (therecord.com.au (en inglés). 31 de agosto de 2016. Consultado o 15/05/2023. The Most Reverend Anthony Fisher OP, Archbishop of Sydney, was the Principal consecrator and celebrant. The Most Reverend Mark Coleridge, Archbishop of Brisbane, and the Most Reverend Stephen Lee Bun-sang, Bishop of Macau, were the principal co-consecrators.