Ricardo Sánchez Rivas
Biografía | |
---|---|
Nacemento | 1905 (118/119 anos) Olas, España |
Datos persoais | |
País de nacionalidade | España |
Actividade | |
Ocupación | político , escritor |
Lingua | Lingua castelá |
Ricardo Sánchez Rivas, nado en Olas (Mesía) cara a 1905, foi un político e escritor galego.
Traxectoria[editar | editar a fonte]
Aprobou os exames para secretarios de xulgados municipais en maio de 1935.[1] Oficial do concello de Mesía, foi cesado e despois reposto no cargo en xuño de 1936.[2] Co golpe de Estado do 18 de xullo de 1936 formou parte do Comité de Defensa da República de Mesía. Foi requirido en agosto polo novo alcalde, Manuel Pardo, para que devolvese documentación do Concello.[3] Foi detido e estivo preso no cárcere de Ordes. Logrou embarcar na Coruña para Buenos Aires no vapor Monte Olivia o 22 de setembro de 1936.[4] O xulgado de Ordes reclamouno en novembro de 1936.[5] Foi xulgado na Coruña por rebelión na causa 380/37. A Comisión Provincial de Incautación de Bens abríulle expediente de responsabilidade civil en abril de 1938.[6] O Tribunal Regional de Responsabilidades Políticas condenouno en rebeldía a cinco anos de inhabilitación e 250 pesetas de multa en outubro de 1940.[7] Relatou a súa experiencia no libro El mundo del mañana. Exiliado na Arxentina, foi directivo da Sociedad Unión del Partido Judicial de Órdenes. Tamén foi secretario de Unión Gallega. En Buenos Aires fundou e dirixiu a revista La Antorcha en 1950.
Obras[editar | editar a fonte]
- El mundo del mañana. Buenos Aires, 1963.
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Pazos Gómez, Manuel (2011). A guerra silenciada. Mortes violentas na comarca de Ordes 1936-1952. Ordes: Asociación Cultural Obradoiro de Historia. pp. 46–47, 99–100. ISBN 978-84-614-8181-1.