Retroalimentación positiva

Na Galipedia, a Wikipedia en galego.
Saltar para a navegação Saltar para a pesquisa

A retroalimentación positiva ou realimentación positiva é un tipo de realimentación no que o aumento da variable final fai que aumente a inicial, o cal desequilibra o sistema, ó amplificar os seus efectos, xa que a variable produce un comportamento explosivo no sistema. Os Sistemas abertos (ecolóxicos, biolóxicos, sociais) conteñen moitos tipos de sistemas reguladores, sobre os que están os sistemas que involucran realimentación positiva e a realimentación negativa. Un sistema está realimentado positivamente se unha variación na súa saída en determinada dirección provoca un desprazamento aínda maior na mesma dirección.

A realimentación é un mecanismo, un proceso cuxo sinal se move dentro dun sistema, e volve ó principio deste sistema ela mesma coma nun bucle. Este bucle chámase bucle de realimentación. Nun sistema de control, este ten entradas e saídas do sistema; cando parte do sinal de saída do sistema, volve de novo ó sistema como parte da súa entrada, chámase a isto realimentación. A realimentación e a autorregulación están intimamente relacionadas.

Tipos de Realimentación[editar | editar a fonte]

  • Realimentación negativa: Tende a reducir o sinal de saída ou a reducir a actividade.
  • Realimentación positiva: Tenda a aumentar o sinal de saída ou actividade.
  • Realimentación bipolar: Pode aumentar ou diminuír o sinal ou actividade de saída.

Características da realimentación positiva[editar | editar a fonte]

  • Un bucle de realimentación positiva manifesta a capacidade dun sistema para medrar de xeito descontrolado.
  • O comportamento destes bucles tenden a desestabilizar os sistemas, todo o contrario que os bucles de realimentación negativa.

Exemplos de realimentación positiva[editar | editar a fonte]

  • Nun sistema electrónico. Os dispositivos semicondutores conducen mellor a corrente canto maior sexa a súa temperatura. Se estes se quentan en exceso, conducirán mellor, polo que a corrente que os atravesa será maior porque se seguirán quentando ata a súa destrución se non se evita con algún outro dispositivo que limite ou impida o paso de corrente.
  • Se intercambiamos o funcionamento dunha caldeira polo do aire acondicionado, cando a temperatura suba, o sistema intentará baixala, pero acenderá a caldeira en lugar do aire acondicionado, polo que a temperatura subirá en vez de estabilizarse, o que volverá provocar que a caldeira siga funcionando.
  • Tamén intercomunicarnos ou responder preguntas e/ou ordes.
  • No crecemento dunha poboación o número de xente que a constitúe verase incrementado polo número de nacementos, que vai ser proporcional á poboación que existe e que vai facer crecer o número de nacementos. Os nacementos van depender da taxa de natalidade, esta terá un valor máximo fixo en cada ser vivo, pero hai veces que existirán diferenzas polas condicións do medio.

A evolución da poboación é un resultado matemático que se representa mediante unha curva exponencial.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]