Referendo de independencia de Eslovenia de 1990
| Referendo de independencia de Eslovenia de 1990 | |||||||||||||||||
|---|---|---|---|---|---|---|---|---|---|---|---|---|---|---|---|---|---|
  | |||||||||||||||||
| Data | 23 de decembro de 1990 | ||||||||||||||||
| Tipo | Referendo de independencia | ||||||||||||||||
| Participación política | |||||||||||||||||
| |||||||||||||||||
| Resultado da votación
| |||||||||||||||||
| |||||||||||||||||
O referendo de independencia de Eslovenia de 1990 celebrouse na República Socialista de Eslovenia (daquela parte da República Federal Socialista de Iugoslavia) o 23 de decembro de 1990.[1] Tanto a coalición gobernante de centro-dereita como a oposición de esquerda apoiaron a realización do referendo e fixeron un chamamento aos votantes a apoiar a independencia de Eslovenia.
Aos votantes fíxoselles a pregunta: "Debería a República de Eslovenia converterse nun estado soberano e independente?" (en esloveno: Ali naj Republika Slovenija postane samostojna in neodvisna država?).[2] O Parlamento de Eslovenia estabeleceu un limiar para a validez do plebiscito no 50% e mais un de todos os votantes inscritos.[3][4][5]
Había 1.499.294 persoas inscritas no censo con dereito a voto. Porén, 42.274 persoas non puideron votar porque estaban traballando no estranxeiro ou participando no servizo militar ou exercicios militares, o que reduciu o electorado a 1.457.020.[6]
Resultados[editar | editar a fonte]
O 26 de decembro os resultados do referendo foron proclamados oficialmente por France Bučar na Asemblea Nacional. O 88% dos inscritos (95% dos participantes) votaron a prol da independencia, superando polo tanto o limiar. O 4% votou en contra da independencia, mentres que o 1% emitiu papeletas non válidas e o 0,1% devolveu as súas papeletas sen usar.[6] O 7% do potencial electorado non participou nas eleccións.
Consecuencias[editar | editar a fonte]
O anuncio de Bučar obrigou ás autoridades eslovenas a declarar a independencia do país nun prazo de seis meses. O 25 de xuño de 1991 aprobouse a Carta Constitucional Básica sobre a Independencia e Soberanía da República de Eslovenia e a independencia foi declarada o día seguinte, o que levou á guerra dos Dez Días.
Notas[editar | editar a fonte]
- ↑ "Z drevišnjo proslavo v Cankarjevem domu bomo obeležili obletnico plebiscita" [With the celebration in the Cankar Hall this evening we will commemorate the anniversary of the plebiscite] (en esloveno). Slovenian Press Agency. 23 de novembro de 2011. Arquivado dende o orixinal o 8 de agosto de 2014. Consultado o 23 de decembro de 2011.
- ↑ Felicijan Bratož, Suzana (2007). Prevzem arhivskega gradiva plebiscitnega referenduma o samostojnosti Republike Slovenije [Acquisition of Plebiscite on the Sovereignty and Independence of the Republic of Slovenia Archives] (PDF). 6. zbornik referatov dopolnilnega izobraževanja s področja arhivistike, dokumentalistike in informatike v Radencih od 28. do 30. marca 2007 (en esloveno e inglés). Regional Archives Maribor. pp. 453–458. Arquivado dende o orixinal (PDF) o 2012-11-13.
- ↑ "Zakon o plebiscitu o samostojnosti in neodvisnosti Republike Slovenije" [Plebiscite on the Sovereignty and Independence of the Republic of Slovenia Act] (PDF). Uradni List (en esloveno). XLVII (44): 2033–2034. 6 de decembro de 1990. ISSN 0350-4964.
- ↑ "Intervju: Rosvita Pesek" [Interview: Rosvita Pesek]. Reporter (en esloveno). 26 de decembro de 2008. Arquivado dende o orixinal o 6 de xuño de 2012.
- ↑ "Plebiscit o samostojnosti – čas največje politične enotnosti" [Independence Referendum – the Time of the Largest Political Unity] (en esloveno). Delo.si. 23 de novembro de 2011. ISSN 1854-6544.
- ↑ 6,0 6,1 "Volitve" [Elections]. Statistični letopis 2011 [Statistical Yearbook 2011] 15. Statistical Office of the Republic of Slovenia. 2011. p. 108. ISSN 1318-5403.