Red Road
| Red Road | |
|---|---|
| Ficha técnica | |
| Título orixinal | Red Road |
| Director | Andrea Arnold |
| Produtor | Carrie Comerford |
| Guión | Andrea Arnold |
| Intérpretes | Kate Dickie, Tony Curran |
| Fotografía | Robbie Ryan |
| Montaxe | Nicolas Chaudeurge |
| Distribuidora | Tartan Films (Estados Unidos) |
| Estrea | 20 de maio de 2006 (Cannes) 27 de outubro de 2006 (Reino Unido) |
| Duración | 113 minutos |
| Orixe | .svg){kind=small} Reino Unido |
| Na rede | |
          | |
Red Road é unha película escocesa dirixida por Andrea Arnold, estreada no ano 2006. Conta a historia dunha operadora de seguridade de CCTV que observa a través dos monitores un home do seu pasado. O nome do filme provén dos chamados edificios Red Road, onde se asenta parte da película, que se atopaban en Barmulloch, Glasgow, que foron os edificios residencias máis altos de Europa no momento da súa construción.[1] O seu estilo enmárcase no movemento Dogma 95, co emprego de luz natural e cámaras de man.
Red Road é a primeira película da triloxía Advance Party, un proxecto de triloxía que ía seguir certas regras de como as películas debían ser escritas e dirixidas: todas serían rodadas e emprazadas en Escocia, usando os mesmos personaxes e actores, cada película sería dirixida por un director diferente debutante...[2] The Observer fíxolle unha enquisa a varios directores e críticos de cine, situando esta película como unha das mellores películas británicas dos últimos 25 anos.[3]
Argumento
[editar | editar a fonte]Jackie Morrison traballa como operadora de CCTV para o concello de Glasgow. Mira a xente no seu día a día, e intenta protexela como pode. No filme, preséntase a esta persoa como, a pesar de ollar o mundo con grande atención, cunha vida illada del.
Un día ve un home a través das pantallas de vixilancia, un home que pensaba que nunca máis volvería ver. Tornarase unha obsesión seguilo, tanto a través das cámaras como en persoa. Jackie asiste a unha festa no piso do home nos edificios Red Road co obxectivo de saber máis sobre el. Vaise creando bastante tensión pois, entre outras cousas, o espectador non coñece as causas da obsesión de Jackie por este home, causas que imos coñecendo a pouquiños.
Elenco
[editar | editar a fonte]- Kate Dickie como Jackie Morrison
- Tony Curran como Clyde Henderson
- Martin Compston como Stevie
- Natalie Press como April
Premios
[editar | editar a fonte]- Premio do xurado do festival de cine de Cannes de 2006[4]
- BAFTA Escocia 2006 - Mellor guión
- BAFTA Escocia 2006 - Mellor actriz nun filme escocés (Kate Dickie)
- BAFTA Escocia 2006 - Mellor actor nun filme escocés (Tony Curran)
- BAFTA Escocia 2006 - Mellor director
- BAFTA Escocia 2006 - Mellor filme
- Festival de Cine de Londres de 2006, Sutherland Trophy "ao director do primeiro filme máis orixinal" [1]
Notas
[editar | editar a fonte]- ↑ Red Road Flats, Glasgow Digital Library
- ↑ Vervepics.com
- ↑ "The Observer Film Quarterly's best British films of the last 25 years". The Observer. August 30, 2009. Consultado o 2009-08-31.
- ↑ "Festival de Cannes: Red Road". festival-cannes.com. Arquivado dende o orixinal o 22 de agosto de 2011. Consultado o 2009-12-13.
