Rauno Nurger

Rauno Nurger
	Acunsa Gipuzkoa Basket
Información persoal
Nacemento	24 de novembro de 1993 (29 anos); Keila, Estonia
Altura	2,08 m (6 ft 10 in)
Peso oficial	105 kg (231 lb)
Posición	Pivote
Información da carreira
Instituto	Sunrise Christian (Wichita, Kansas)
Universidade	Wichita State (2014–2018)
NBA Draft	2018 / Rolda: Non drafteado ;
Internacional	Estonia
Carreira	2011−presente
Historial de equipos
	Tallinna Kalev (2011–2012); TYCO Rapla (2012–2013); Peñas Huesca (2018–2019); Leite Río Breogán (2019–2020); BC Kalev/Cramo (2020−2022); Acunsa Gipuzkoa Basket (2022−presente)

Rauno Nurger, nado o 24 de novembro de 1993 en Keila, Harju, é un xogador profesional internacional de baloncesto estoniano. Formado na universidade de Wichita State, cunha altura de 2,08 m xoga nas posicións de pivote e ala-pivote. Actualmente xoga para o Leite Río Breogán.^[1]

Traxectoria[editar | editar a fonte]

Nado en Keila, no Condado de Harju, Nurger comezou a súa carreira no baloncesto no Tallinna Kalev e no TYCO Rapla da Korvpalli Meistriliiga, máxima categoría do baloncesto estoniano. Posteriormente foi aos Estados Unidos, onde acudiu á Sunrise Christian Academy e á Universidade de Wichita State, onde competiu cos Shockers da NCAA. Na liga universitaria estadounidense fixo unha media de 3,5 puntos e 2,1 rebotes por partido en catro anos. Para a temporada 2018−19 asina co Peñas Huesca da Liga LEB, sendo un dos xogadores destacados da competición cunha media de 13,3 puntos (61,2% en tiros de dous e 78,4% tiros libres), 6,3 rebotes, 1 asistencia, 1 tapón e 1 mate por encontro en 26 minutos sobre a cancha. Tras finalizar a temporada, o 11 de xullo de 2019 anúnciase a súa fichaxe polo Leite Río Breogán,^[1] club onde permanece unha temporada. Posteriormente regresa durante dúas temporadas a Estonia, ao BC Kalev/Cramo. O 18 de xullo de 2022 anúnciase a súa incoporación polo Acunsa Gipuzkoa Basket da LEB Ouro.