Rasha

Na Galipedia, a Wikipedia en galego.

Rasha é unha cantante e percusionista sudanesa nada en Ondurmán, preto de Ghartum, en 1971.

Pertence a unha numerosísima familia na que a maior parte dos seus membros son artistas: músicos, pintores, actores... Unha das súas irmás é unha das poucas mulleres que tocan o laúde no Sudán. A súa casa familiar é un auténtico centro cultural onde acoden os artistas e intelectuais do país.

Rasha traballou no Sudán na radio, na televisión e no teatro, pero sempre con carácter semiprofesional. Fuxindo da guerra civil instalouse en España, e a partir de xuño de 1991 comeza a facer traballos como profesional con diferentes grupos e co seu irmán Wafir, integrante de Radio Tarifa, gravando en solitario o seu disco Sudaniyat. Con este álbum obtivo un grande éxito de crítica e foi valorado como un dos dez mellores títulos anuais no seu estilo.

En 1997 participa na gravación de La sal de la tierra, un disco coa participación de María Salgado, Uxía Senlle e Xesús Pimentel.

En 1998 tocou para as Nacións Unidas durante a celebración do Día da muller.

No 2000 colaborou no álbum de Mastretta Luna de miel.

Discografía[editar | editar a fonte]

  • 1997: La sal de la tierra, a canda María Salgado, Uxía e Xesús Pimentel.
  • 1997: Sudaniyat
  • 1996: Salamat Khartoum, co grupo Kambala.