Rabbit-Proof Fence (filme)

Rabbit-Proof Fence
Ficha técnica
Título orixinal	Rabbit-Proof Fence
Director	Phillip Noyce
Produtor	Phillip Noyce; Christine Olsen; John Winter
Guión	Christine Olsen
Baseado en	Follow the Rabbit-Proof Fence de Doris Pilkington Garimara
Intérpretes	Everlyn Sampi; Kenneth Branagh; David Gulpilil
Música	Peter Gabriel
Fotografía	Christopher Doyle
Montaxe	Veronika Jenet; John Scott
Estudio	HanWay Films
Distribuidora	Miramax Films
Estrea	2002
Duración	93 minutos
Orixe	Australia
Xénero	Drama
Orzamento	$6 000 000
Recadación	$16 217 411
Na rede

Rabbit-Proof Fence é un filme australiano dirixido por Phillip Noyce que foi estreado no 2002. Está baseado no libro Follow the Rabbit-Proof Fence de Doris Pilkington Garimara, que conta a historia real da nai da autora, e doutras dúas nenas aborixes mestizas, que despois de seren arrebatadas ás súas familias polo goberno, regresaron elas soas ó seu fogar percorrendo centos de quilómetros.

Argumento[editar | editar a fonte]

Mapa do valado a proba de coellos que seguiron as nenas para ir dende Moore River ata Jigalong.

Ano 1931, Australia. Molly Craig (Everlyn Sampi) é unha nena que foxe coa súa irmá pequena e coa súa curmá, as tres mestizas de aborixes australianos, dunha institución gobernamental creada para formar ás nenas como empregadas domésticas ó servizo da sociedade branca australiana. Armada de gran coraxe e determinación, Molly guía ás pequenas dende Moore River ata Jigalong seguindo o valado contra os coellos que atravesa o oeste de Australia. Vivirán unha auténtica odisea percorrendo as 1.500 millas que as separan do seu fogar.