Queops, Khufu, Cheops, Kheops (2589 a.C. - 2566 a.C.) foi o segundo monarca da Dinastía IV cuxo nome completo é "Khnum-Kuefui" ("Khnum protéxeme"), fillo de Snefru e coñecido principalmente por ser o construtor da Gran Pirámide de Gizeh. A súa nai foi Heteferes I.
A única representación que se conserva del é unha pequena estatuiña de marfil representado coa coroa vermella do Baixo Exipto sentado nun trono coa inscrición do seu nome de Horus, atopada por Flinders Petrie no Templo de Khentimentiu en Abidos (na actualidade no Museo Exipcio do Cairo).
