Quíone (filla de Dedalión)

Quíone (filla de Dedalión)
Tipo	personaxe da mitoloxía grega
	Parte de Quione (pt) ; ;
Biografía
Asasinado por	Artemisa
Sexo	muller
Familia
Pai	Daedalion (en)
Parella	Hermes e Apolo
Fillo/a	Autólico e Filamon (pt)
Descrito pola fonte
	Descrito pola fonte Dicionario Enciclopédico Brockhaus e Efron; Paulys Realenzyklopädie der klassischen Altertumswissenschaft ; ;
	[ Wikidata ] [ C:Commons ]

Para outras páxinas con títulos homónimos véxase: Quíone (homónimos).

Quíone, na mitoloxía grega, tamén chamada Filónide ^[1], foi a filla do rei Dedalión (fillo de Fósforo ^[2]). Os deuses Apolo e Hermes, cando a viron, desexaron xacer con ela. Apolo preferiu esperar á noite pero Hermes, máis impaciente, fixo que se durmira e violouna. Xa caída a noite, Apolo tamén a violou, disfrazado de anciá. Quíone quedou embarazada dos dous, e tivo dous fillos: Autólico, de Hermes, e o músico Filamón, de Apolo.

Quíone era especialmente fermosa, e pecou de vaidade ^[3]. Envaidecida pola súa fermosura, tivo o atrevemento de desprezar a Artemisa, presumindo de ser máis bela que a deusa, e esta, en vinganza, matouna atravesándolle a lingua dun frechazo.

"Tiña unha filla, Quíone, dotada de excepcional beleza; tivo ela mil pretendentes á idade casadeira de catorce anos. En certa ocasión que volvían Febo e o retoño* de Maia ^[4]... véndoa ambos, ambos inflamáronse de amor... ¿De que serve haber parido dous fillos e haber gustado a dous deuses...? ¿Non é prexudicial a gloria para moitos? Foino, desde logo, para ela, que se atreveu a antepoñerse a Diana e criticou a beleza da deusa. Diana sentiu unha cólera furibunda ... tendeu o arco, impulsou coa corda a seta, e traspasou, como merecía, aquela lingua coa frecha".

(Ovidio: Metamorfosis XI, 301-327)

Notas

↑ "Apolo e Mercurio deitáronse a mesma noite con Quíone, ou como din outros poetas, con Filónide, filla de Dedalión" (Hixino: Fábulas 200, 1).
↑ Fósforo é a Estrela da Mañá, o planeta Venus.
↑ Na antiga Grecia chamaban Hybris a este sentimento de orgullo, de vaidade esaxerada ou prepotencia, que moitas veces implicaba un merecido castigo.
↑ Febo e o nome de Apolo na mitoloxía romana, e o retoño* de Maia é Hermes, fillo desta pléiade.

Véxase tamén

Bibliografía

Grimal, Pierre (1981). Diccionario de mitología griega y romana. Paidós. ISBN 9788449324574. (en castelán)
Hixino (2009). Fábulas mitológicas. Alianza Editorial. ISBN 9788420650722. (en castelán)
Ovidio (2015 (reimpr. 2017)). Metamorfosis. Tradución de Antonio Ramírez de Verger. Alianza Editorial. ISBN 9788420697208. (en castelán)

Ligazóns externas

Cátedra de Iconografía e Iconoloxia, Universidade de Roma (en italiano)

[1] "Apolo e Mercurio deitáronse a mesma noite con Quíone, ou como din outros poetas, con Filónide, filla de Dedalión" (Hixino: Fábulas 200, 1).

[2] Fósforo é a Estrela da Mañá, o planeta Venus.

[3] Na antiga Grecia chamaban Hybris a este sentimento de orgullo, de vaidade esaxerada ou prepotencia, que moitas veces implicaba un merecido castigo.

[4] Febo e o nome de Apolo na mitoloxía romana, e o retoño* de Maia é Hermes, fillo desta pléiade.

[1]

[2]

[3]

[4]