Pycnonotus barbatus

Na Galipedia, a Wikipedia en galego.
Saltar ata a navegación Saltar á procura

Pycnonotus barbatus
Exemplar en Etiopía.
Exemplar en Etiopía.
Estado de conservación
Pouco preocupante (LC)
Pouco preocupante[1]
Clasificación científica
Reino: Animalia
Filo: Chordata
Clase: Aves
Orde: Passeriformes
Familia: Pycnonotidae
Xénero: Pycnonotus
Especie: P. barbatus
Nome binomial
Pycnonotus barbatus
Desfontaines, 1789
Pycnonotus barbatus distribution map.png

Pycnonotus barbatus é unha especie de ave paseriforme da familia Pycnonotidae amplamente distribuída por África, incluídas Ceuta e Melilla.[2]

Para esta especie propúxose en galego o nome bulbul (simplemente), aínda que internacionalmente son tamén chamados bubuis todas as especies da familia.

Descrición[editar | editar a fonte]

Ten un peteiro bastante curto e delgado, cunha mandíbula superior algo curvada cara abaixo. O peteiro, patas e pés son negros, o ollo é marrón escuro cun anel ocular escuro, que non se ve facilmente. Mide uns 18 cm de lonxitude e ten unha longa cola. Ten unha cabeza e partes superiores marróns escuras. Os sexos teñen plumaxe similar.

Distribucción e hábitat[editar | editar a fonte]

Está amplamente distribuído por África, onde está presente en numerosos hábitats, agás nos desertos. En Marrocos é unha especie particularmente abundante en hortos, xardíns, oasis etc. En xeral, non é unha ave esixente e aproveita os límites dos bosques, zonas forestais, matorrais costeiros ou de montaña etc. Parece que debido ao cambio climático deu o salto a Europa a través do estreito de Xibraltar e agora reprodúcese en Tarifa (SEO/Birdlife, xullo de 2017)

Taxonomía e sistemática[editar | editar a fonte]

O P. barbatus foi orixinalmente descrito no xénero Turdus. Algunhas autoridades tratan os bulbuis Pycnonotus somaliensis, P. dodsoni e P. tricolor como subespecies desta especie.[3] O P. barbatus considérase que pertence a unha superespecie xunto co P. leucogenys, P. leucotis, P. xanthopygos, P. nigricans e P. capensis.[4].

Subespecies[editar | editar a fonte]

Recoñécense cinco subespecies:[5]

  • P. b. barbatus(Desfontaines, 1789). Encóntrase desde Marrocos a Tunisia.
  • P. b. inornatus(Fraser, 1843): Orixinalmente descrito como especie separada no xénero Ixos. Encóntrase desde o sur de Mauritania e Senegal ao oeste de Chad e norte de Camerún.
  • P. b. gabonensisSharpe, 1871: Orixinalmente descrito como especie separada. Encóntrase desde Nixeria e Camerún central a Gabón e sur do Congo.
  • P. b. arsinoe(Lichtenstein, MHK, 1823): Orixinalmente descrito como unha especie separada no xénero Turdus. Encóntrase no leste de Chad, norte e centro de Sudán e leste de Exipto.
  • P. b. schoanusNeumann, 1905: Non debe conundirse co bulbul somalí. Encóntrase no sueste de Sudán, en Etiopía (menos no norte) e Eritrea.

Alimentación[editar | editar a fonte]

É unha especie omnívora, que se alimenta de invertebrados, froitos, e mesmo de néctar.

Reprodución[editar | editar a fonte]

Esta especie aniña durante todo o ano no trópico húmido, pero noutras zonas é máis estacional na súa reprodución cun máximo ao inicio da estación das chuvias. O niño é bastante ríxido, de paredes grosas e forma de copa. Está situado dentro do espesor doa follaxe dun arbusto ou pequena árbore. A posta típica consta de dous ou tres ovos. Igual que outros bulbuis, é parasitado polo cuco Clamator jacobinus.

Notas[editar | editar a fonte]

  1. BirdLife International (2016). "{{{taxon}}}". Lista Vermella de especies ameazadas. (en inglés). Unión Internacional para a Conservación da Natureza. Consultado o 6 de abril de 2018. 
  2. "SEO. Bulbul naranjero (Pycnonotus barbatus)". SEO. Consultado o 16 de xaneiro de 2015. 
  3. "Common Bulbul (Pycnonotus barbatus)". Fishpool, L. & Tobias, J. (2017). In: del Hoyo, J., Elliott, A., Sargatal, J., Christie, D.A. & de Juana, E. (eds.). Handbook of the Birds of the World Alive. Lynx Edicions, Barcelona. Consultado o 11 November 2017. 
  4. "Himalayan Bulbul (Pycnonotus leucogenys)". www.hbw.com (en inglés). Consultado o 2017-03-23. 
  5. "Bulbuls « IOC World Bird List". www.worldbirdnames.org (en inglés). Consultado o 2017-03-26. 

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]