Primeiro ministro da República Popular da China
| Primeiro ministro da República Popular da China | |||||||||
|---|---|---|---|---|---|---|---|---|---|
| |||||||||
| |||||||||
| |||||||||
| |||||||||
| |||||||||
| |||||||||
| |||||||||
| Wikidata | |||||||||
O primeiro ministro do Consello de Estado da República Popular da China, é o xefe do Consello de Estado da China, e por tanto, xefe de goberno da República Popular da China.
O primeiro ministro é nomeado polo presidente e votado pola Asemblea Popular Nacional. Tanto o presidente como o primeiro ministro son elixidos cada cinco anos. O primeiro ministro ten un límite de dous mandatos e ata o de agora foi sempre un membro do Comité Permanente do Buró Político do Comité Central do Partido Comunista da China.
O actual primeiro ministro é Li Qiang, tomou posesión do cargo o 11 de marzo de 2023 sucedendo a Li Keqiang.[1]
Poderes e deberes
[editar | editar a fonte]O primeiro ministro é o cargo administrativo máis alto no Goberno da República Popular da China. É responsable de organizar e administrar a burocracia civil chinesa. Por exemplo, o primeiro ministro ten a que xestionar a ordenación e aplicación do desenvolvemento económico e social nacional e o orzamento estatal.[2] Isto inclúe supervisar os diferentes ministerios, departamentos, comisións e axencias estatais e anunciar as súas candidaturas á Asemblea Popular Nacional para viceprimeiros ministros, conselleiros estatais e cargos ministeriais. Os poderes do primeiro ministro e as súas responsabilidades están especificados na Constitución.
O primeiro ministro non ten o mando supremo do Exército Popular de Liberación, mais é o xefe da Comisión de Mobilización da Defensa Nacional da China e xefe da Comisión de Seguridade Nacional, que son departamentos das forzas armadas. Dende a década de 1980, houbo unha división de responsabilidades entre o primeiro ministro e o Secretario Xeral do Partido Comunista na que o primeiro ministro quedou como responsábel dos detalles técnicos da aplicación da política de goberno mentres o Secretario Xeral reúne o apoio político necesario para a política de goberno.
O primeiro ministro está apoiado por catro viceprimeiros ministros dende a reforma de Deng Xiaoping en 1983. O primeiro deles actuará no lugar do primeiro ministro en caso de ausencia.
Lista de primeiros ministros
[editar | editar a fonte]- Artigo principal: Lista de primeiros ministros da República Popular da China.
1º — Zhou Enlai
(1949–1976)
2º — Hua Guofeng
(1976–1980)
3º — Zhao Ziyang
(1980–1987)
4º — Li Peng
(1987–1998)
5º — Zhu Rongji
(1998–2003)
6º — Wen Jiabao
(2003–2013)
7º — Li Keqiang
(2013–presente)
.jpg)
_(cropped).jpg)
.jpg)
.jpg)
Véxase tamén
[editar | editar a fonte]- Presidente da República Popular da China
- Lista de primeiros ministros da República Popular da China
- Xefes de Estado e goberno actuais
 |
A Galipedia ten un portal sobre: China |
Ligazóns externas
[editar | editar a fonte]Notas
[editar | editar a fonte]- ↑ "Li Keqiang sustituye a Wen Jiabao como primer ministro de China". El País (en castelán). 15 de marzo de 2013. Consultado o 19 de xuño de 2019.
- ↑ http://english.people.com.cn/constitution/constitution.html, Sección 3, Artigo 88 e Artigo 89. (en inglés)