Presidente da República Popular da China

Presidente da República Popular da China
	Instancia de cargo
	Subclase de presidente da República; ceremonial head of state (en) ; chief at the national level (en) ; figurehead (en)
	Nome orixinal 中华人民共和国主席 (zh-hans); 中華人民共和國主席 (zh-hant)
	Nome oficial 中华人民共和国主席 (zh-hans); 中華人民共和國主席 (zh-hant); President of the People's Republic of China (en); Chairman of the People's Republic of China (en)
	Lista do elemento lista de presidentes da República Popular da China
	Tratamento Mr. President (en) ; A Súa Excelencia
Implicados
	Titular Xi Jinping (14 de marzo de 2013 - ) ; Soong Ching-ling (16 de maio de 1981 - 29 de maio de 1981) ; Li Xiannian o Li Sien-Nien (18 de xuño de 1983 - 8 de abril de 1988) ; Yang Shangkun (pt) (8 de abril de 1988 - 27 de marzo de 1993) ; Jiang Zemin (27 de marzo de 1993 - 15 de marzo de 2003) ; Dong Biwu (pt) (31 de outubro de 1968 - 17 de xaneiro de 1975) ; Liu Shaoqi (27 de abril de 1959 - 31 de outubro de 1968) ; Soong Ching-ling (31 de outubro de 1968 - 24 de febreiro de 1972) ; Mao Tse Tung (27 de setembro de 1954 - 27 de abril de 1959) ; Hu Jintao (15 de marzo de 2003 - 14 de marzo de 2013)
	Nomeado por Assembleia Popular Nacional (pt)
Datas
	Fundación / creación 27 de setembro de 1954; 4 de decembro de 1982
	Duración do mandato 5 a
Localización
	Xurisdición República Popular da China
	País República Popular da China
	Residencia oficial Zhongnanhai (pt)
Fontes e ligazóns
	Páxina WEB english.gov.cn…
	Wikidata C:Commons

O Presidente da República Popular da China é o xefe de Estado da República Popular da China.

Segundo a constitución do país, a presidencia é un cargo cunhas funcións en gran parte cerimoniais con poderes limitados.^[1]^[2]^[3] É elixido pola Asemblea Popular Nacional para un mandato de cinco anos. O cargo está oficialmente considerado como unha institución do Estado máis que un posto administrativo. O Presidente actual é Xi Jinping, que tomou posesión do cargo en marzo de 2013.^[4]

Dende 1993, excepto en breves períodos de transición, os presidentes ocuparon ao mesmo tempo o cargo de Secretario Xeral do Partido Comunista da China e de comandante en xefe do exército (como Presidente da Comisión Militar Central).

O cargo foi creado co establecemento da Constitución da República Popular da China en 1954 e foi ostentado sucesivamente por Mao Zedong e Liu Shaoqi. Liu caeu en desgraza política durante a Revolución Cultural e o cargo foi ocupado interinamente por Soong Ching-ling e Dong Biwu ata que foi abolido baixo a Constitución de 1975. Foi máis tarde restabelecido coa Constitución de 1982, mais con poderes reducidos.

Entre 1982 e 2018, a constitución estipulou que o presidente non podería exercer máis que dous mandatos consecutivos. Durante a era Mao e na actualidade dende 2018, non hai límites de mandatos.^[5]

Requisitos e elección

Segundo a actual Constitución da República Popular da China, o Presidente ten que ser un cidadán chinés en posesión de todos os seus dereitos electorais e con máis de 45 anos.

O Presidente é elixido pola Asemblea Popular Nacional da República Popular da China (APNRPC), o corpo estatal máis alto da China, o cal tamén ten o poder de destituír o Presidente e outros cargos estatais. Os nomeamentos e destitucións son decididos por un voto de maioría simple.^[6]

Segundo a Lei Orgánica da APNRPC, o Presidente é nomeado polo Presidium da APNRPC, o órgano executivo do Congreso.

En caso de que o cargo de Presidente quede vacante, o Vicepresidente sucédeo no cargo. En caso de que ambos os dous fiquen vacantes, o presidente da APNRPC actuará temporalmente como presidente até que a APNRPC poida elixir novos Presidente e Vicepresidente.^[7]

Antes de marzo de 2018, o Presidente e o vicepresidente tiñan limitados a dous os seus mandatos consecutivos, pero estes límites foron eliminados na Asemblea Nacional Popular en 2018.^[8]

Poderes e deberes

Baixo a constitución actual, establecida en 1982 con revisións menores en anos posteriores, o Presidente ten o poder de promulgar leis, seleccionar e destituír o primeiro ministro así como os ministros do Consello de Estado, outorgar indultos, declarar o estado de emerxencia, ordenar mobilización masivas, e conceder honras estatais. Ademais, o Presidente nomea e destitúe embaixadores en países estranxeiros, asina e anula tratados con entidades estranxeiras. Segundo a Constitución, todos estes poderes requiren da aprobación ou confirmación da APNRPC. Como a maioría de poderes presidenciais están subordinados á ratificación da APNRPC, o Presidente é, en esencia, un posto simbólico sen unha función directa no exercicio do poder. Está por tanto concibido principalmente como unha institución simbólica do Estado máis que un cargo con poderes executivos reais.^[9]

Lista de xefes de Estado

Artigo principal: Lista de Presidentes da República Popular da China.

Presidentes

Dong Biwu
Presidente en funcións
(24 de febreiro de 1972 – 17 de xaneiro de 1975)
Song Qingling
Presidenta de Honor
(16–28 de maio de 1981)
Li Xiannian
Presidente
(18 de xuño de 1983 – 8 de abril de 1988)
Yang Shangkun
Presidente
(8 de abril de 1988 – 27 de marzo de 1993)
Jiang Zemin
Presidente
(27 de marzo de 1993 – 15 de marzo de 2003)
Hu Jintao
Presidente
(15 de marzo de 2003 – 14 de marzo de 2013)
Xi Jinping
President
(14 de marzo de 2013 – presente)

Outros xefes de Estado

Zhu De
Presidente Do Comité Permanente da Asemblea Popular Nacional (1975–1976)
Soong Ching-ling Presidenta en funcións do Comité Permanente da Asemblea Popular Nacional (1976–1978)
Ye Jianying Presidente Do Comité Permanente da Asemblea Popular Nacional (1978–1983)

Estatísticas

#	Presidente	Data de nacemento	Idade ao acceder ao cargo (primeiro mandato)	Tempo no cargo (total)	Idade ao deixar o cargo (último mandato)	Data de morte	Lonxevidade
1	Mao Tse Tung	26 de decembro de 1893	60 anos, 275 días	4 anos, 212 días	64 anos, 122 días	9 de setembro de 1976	82 anos, 258 días
2	Liu Shaoqi	24 de novembro de 1898	60 anos, 154 días	9 anos, 187 días	69 anos, 342 días	12 de novembro de 1969	70 anos, 353 días
Presidencia vacante
Interino	Dong Biwu	5 de marzo de 1886	88 anos, 318 días	2 anos, 327 días	88 anos, 318 días	abril 1975	89 anos, 28 días
Interino	Soong Ching-ling	27 de xaneiro de 1893)	83 anos, 161 días	1 anos, 242 días	85 anos, 37 días	maio 1981	85 anos, 37 días
Presidencia abolida
3	Li Xiannian	23 de xuño de 1909	73 anos, 360 días	4 anos, 295 días	78 anos, 290 días	21 de xuño de 1992	82 anos, 364 días
4	Yang Shangkun	3 de agosto de 1907	80 anos, 250 días	4 anos, 352 días	85 anos, 236 días	14 de setembro de 1998	91 anos, 42 días
5	Jiang Zemin	17 de agosto de 1926)	66 anos, 222 días	9 anos, 353 días	76 anos, 210 días	Vive	99 anos e 299 días
6	Hu Jintao	21 de decembro de 1942	60 anos, 84 días	10 anos, 0 días	70 anos, 84 días	Vive	83 anos e 173 días
7	Xi Jinping	15 de xuño de 1953	59 anos, 272 días	13 anos e 90 días	Presente	Vive	72 anos e 362 días

Notas

↑ "Ending Term Limits for China’s Xi Is a Big Deal. Here’s Why.". The New York Times (en castelán). 10 de marzo de 2018. Consultado o 18 de xuño de 2019.
↑ "Xi's here to stay: China leader tipped to outstay term" (en inglés). 9 de agosto de 2016. Consultado o 18 de xuño de 2018.
↑ "China sets stage for Xi to stay in office indefinitely" (en inglés). 25 de febreiro de 2018. Consultado o 18 de xuño de 2019.
↑ "Does Chinese leader Xi Jinping plan to hang on to power for more than 10 years?" (en inglés). 6 de outubro de 2017. Consultado o 18 de xuño de 2019.
↑ "CPC proposes change on Chinese president's term in Constitution" (en inglés). 25 de febreiro de 2016. Arquivado dende o orixinal o 10 de outubro de 2018. Consultado o 18 de xuño de 2019.
↑ Constitución da República Popular da China, Artigos 62, 63. (en inglés)
↑ Constitución da República Popular da China, Artigo 84. (en inglés)
↑ "China's Xi allowed to remain 'president for life' as term limits removed". BBC (en inglés). 11 de marzo de 2018. Consultado o 18 de xuño de 2019.
↑ Constitución da República Popular da China, Artigo 62, Sección 5. A APNRPC non ten o poder de nomear o primeiro ministro

Véxase tamén

Ligazóns externas

Sitio web oficial do Presidente (en inglés)

[1] "Ending Term Limits for China’s Xi Is a Big Deal. Here’s Why.". The New York Times (en castelán). 10 de marzo de 2018. Consultado o 18 de xuño de 2019.

[2] "Xi's here to stay: China leader tipped to outstay term" (en inglés). 9 de agosto de 2016. Consultado o 18 de xuño de 2018.

[3] "China sets stage for Xi to stay in office indefinitely" (en inglés). 25 de febreiro de 2018. Consultado o 18 de xuño de 2019.

[4] "Does Chinese leader Xi Jinping plan to hang on to power for more than 10 years?" (en inglés). 6 de outubro de 2017. Consultado o 18 de xuño de 2019.

[5] "CPC proposes change on Chinese president's term in Constitution" (en inglés). 25 de febreiro de 2016. Arquivado dende o orixinal o 10 de outubro de 2018. Consultado o 18 de xuño de 2019.

[6] Constitución da República Popular da China, Artigos 62, 63. (en inglés)

[7] Constitución da República Popular da China, Artigo 84. (en inglés)

[BBC_noTL-8] "China's Xi allowed to remain 'president for life' as term limits removed". BBC (en inglés). 11 de marzo de 2018. Consultado o 18 de xuño de 2019.

[9] Constitución da República Popular da China, Artigo 62, Sección 5. A APNRPC non ten o poder de nomear o primeiro ministro

[1]

[2]

[3]

[4]

[5]

[6]

[7]

[8]

[9]