Praza de touros de La Malagueta

Na Galipedia, a Wikipedia en galego.
Saltar ata a navegación Saltar á procura

Coordenadas: 36°43′13″N 4°24′39″O / 36.72028, -4.41083

Vista xeral da praza.
La Malagueta no ano 1900.

La Malagueta é a praza de touros da cidade de Málaga, en Andalucía (España). Atópase situada na zona que lle dá o seu nome, o barrio de La Malagueta, no Distrito Este, xunto ao Paseo de Reding.

Historia[editar | editar a fonte]

Foi construída en 1874 por Joaquín Rucoba, inaugurándose o 11 de xuño de 1876 con touros da gandería de Murube que foron lidados por Rafael Molina "Lagartijo", Antonio Carmona y Luque "El Gordito", e Manuel Rodríguez "Desperdicios".

En 1976 foi declarada Conxunto Histórico-Artístico, coincidindo co centenario da súa inauguración, e en 1981, Ben de Interese Cultural.

Actualmente pertence á Deputación Provincial de Málaga que a subarrenda por concurso público.

Edificio[editar | editar a fonte]

A Praza é de estilo neomudéxar, tendo forma dun hexadecágono. Tras a reforma levada a cabo en 2010 o coso posúe un aforamento para 9.032 espectadores.[1] O rodo mide 52 metros de diámetro e as instalacións da praza inclúen 4 currais, 10 chiqueros, caballerizas, corraleta para a proba de cabalos, sala de toureiros, enfermería, etc.

Nas súas dependencias atópase situado o Museo Taurino Antonio Ordóñez.

Esta praza, de 1ª categoría, é un recinto taurino de tempada, e entre os seus festexos cabe destacar as dúas corridas de touros en Semana Santa, que inclúen a denominada "Corrida Picassiana", a "Corrida de la Prensa" que se celebra no mes de xuño pola festividade dos Santos Patróns San Ciriaco e Santa Paula, os festexos durante a Feira de Agosto e a corrida de touros no mes de setembro coincidindo coa festividade da Virxe da Vitoria, patroa malagueña.

Notas[editar | editar a fonte]

  1. El Mundo, Nº 626, Domingo 26 de setembro de 2011, Magacine páx. 32

Véxase tamén[editar | editar a fonte]

Ligazóns externas[editar | editar a fonte]