Posadas

Na Galipedia, a Wikipedia en galego.
Posadas
Vistaaereadeposadas.jpg
Vista aérea da cidade de Posadas no ano 2014.]]

Posadas é unha cidade da Arxentina, capital da provincia de Misiones e cabeceira do departamento Capital. Atópase na beira esquerda do río Paraná, ao suroeste da provincia e no noroeste do departamento Capital.

É a cidade máis poboada de Misiones e o seu centro administrativo, comercial e cultural. No seu albor forxouse arredor do porto sobre o río Paraná, e o seu crecemento tardou en concretarse por ser unha das últimas zonas do territorio arxentino en poboarse. Actualmente é unha das cidades con máis actividade e crecimiento de toda a rexión NEA. A súa influencia esténdese até a veciña cidade de Garupá, coa que conforma o Gran Posadas. A ponte San Roque González de Santa Cruz, tendida sobre o río Paraná únea coa cidade de Encarnación, na República do Paraguai.

O municipio de Posadas é o órgano administrativo encargado de rexer a cidade e zonas próximas. Ocupa a parte urbana da cidade máis unha zona rural situada ao sur e oeste da mesma, chegando até o límite coa provincia de Corrientes. Algunhas paraxes da zona rural (como o Centro Correntino, Itaembé Miní e Colonia Laosiana) foron absorbidas pola urbe no transcurso da década pasada.

Está localizada sobre a Ruta Nacional 12 e a Provincial 213. A cidade atópase a 98 km da cidade de Oberá, segunda cidade da provincia, a 310 km de Puerto Iguazú, a 350 km de Asunción, capital de Paraguai e a 1003 km da cidade de Buenos Aires (o acceso é directo con varias frecuencias diarias de coches).