Portela da Laxe
A Portela da Laxe é unha estación de gravados rupestres conformada por seis grupos. Catro deles foron destruídos no último cuarto do século XX como consecuencia das obras de ampliación da estrada N-541 que une Pontevedra e Ourense.
Sitúase no lugar da Atalaia, parroquia de Viascón, Cerdedo-Cotobade. Son coñecidas desde antigo e xa foron recollidas no Corpus Petroglyphorum Gallaeciae de Ramón Sobrino Buhígas no ano 1935.
Descrición
[editar | editar a fonte]Entre elas cómpre salientar a laxe horizontal (Grupo I). Trátase dun penedo situado a rentes do chan e que se prolonga en dirección noroeste - sueste.
Presenta motivos de moi diversa tipoloxía: combinacións circulares, círculos sinxelos, coviñas, cadrados, esvásticas, soliformes, paletas etc.
O Grupo II componse dunha combinación circular.
Os outros catro grupos desaparecidos presentaban diversas combinacións circulares, círculos simples, coviñas e figuras cruciformes.
Véxase tamén
[editar | editar a fonte]Bibliografía
[editar | editar a fonte]- García Alén, Alfredo e de la Peña Santos, Antonio. Grabados rupestres de la provincia de Pontevedra. Catalogación Arqueológica y artística de Galicia del Museo de Pontevedra, páxs. 55 a 57 (1980). Fundación Pedro Barrié de la Maza. ISBN 84-85728-04-1
- Carballo Arceo, Xulio (xullo de 2006). Arqueoloxía de Galicia. Itinerarios polo pasado. Nigra Trea. ISBN 84-95364-40-9.
Outros artigos
[editar | editar a fonte]Ligazóns externas
[editar | editar a fonte]- Portela da Laxe na páxina web colaborativa Patrimonio Galego.