Port del Comte
Coordenadas: 42°10′15″N 1°34′10″L / 42.17083, -1.56944
O Port del Comte é un macizo do Prepireneo catalán, situado entre as comarcas do Solsonès e o Alt Urgell. Fai tamén de divisoria de augas entre as concas do Cardener e o Segre. O seu cumio máis alto é o Pedró dels Quatre Batlles, de 2.383 m. Na vertente norte atópase a estación de esquí alpino do mesmo nome.
Os materiais, da época triásica e cretácea, son xeralmente calcarios e moi duros, onde só algunhas capas de margas foron claramente erosionadas nos sectores triásicos.
A vexetación arbórea é de carballo e piñeiro negral na base e de piñeiro rubio na maior parte do macizo. Nos sectores altos, por enriba dos 2.000 metros de altitude, hai piñeiro negro, ademais dalgúns abetos ata que son substituídos por prados alpinos.
O macizo está formado por varias unidades orográficas: a serra de Querol, o Puig Subirà, os Prats de Bacies, a serra de Port del Comte e a serra de Odèn, entre outras.
Galería de imaxes[editar | editar a fonte]
-
Port del Comte dende Lladurs
-
Nube lenticular en Port del Comte
 |
Wikimedia Commons ten máis contidos multimedia na categoría: Port del Comte  |