É unha zona de Maspalomas construída a partir de 1962. Concibida para a súa explotación turística e para segunda residencia de vacacións, consturíronse centros comerciais, hoteis, edificios de apartamentos e complexos axardinados de chalés. Actualmente altérnase a poboación residencial, tanto de primeira como de segunda residencia, coa ocupación turística. É tamén unha coñecida meca do turismo gai, especialmente popular para os noreuropeos.
A praia ten ao redor de tres quilómetros, a mesma extensión que a de Maspalomas, e un ancho medio de 100 metros. A súa fina area dourada e as súas augas tranquilas convertérona nunha das praias máis populares de todo o país. Recibe visitantes durante os doce meses do ano.
