Pizza Hut

Na Galipedia, a Wikipedia en galego.
Saltar ata a navegación Saltar á procura
Pizza Hut
Pizza Hut 1967-1999 logo.svg
Bremen-indiana-pizza-hut.jpg
Restaurante de Pizza Hut en Bremen, estado de Indiana, nos Estados Unidos.
Fundación15 de xuño de 1958
LocalizaciónPlano, Texas, Estados Unidos de América Estados Unidos
FundadorDan Carney
Frank Carney
IndustriaRestaurantes
Páxina webpizzahut.es

Pizza Hut é unha cadea de restaurantes e franquía internacional con sede en Plano, especializada en pizzas. O Pizza Hut é a maior cadea de pizzarías do mundo, con 16 796 restaurantes en todo o mundo a data de marzo de 2018.[1]

Historia[editar | editar a fonte]

Pizza Hut foi fundado en 1958 por dous universitarios, Dan e Frank Carney, na cidade de Wichita, Kansas. A empresa gañou recoñecemento nacional na súa primeira campaña publicitaria, chamada "Putt Putt to Pizza Hut", que debutou na televisión estadounidense no 1965. No 1977 a compañía foi comprada por Pepsi. O símbolo máis distinto do Pizza Hut é o característico teito pintado en vermello, coma un chapeu, presente tamén no logotipo da empresa. Un feito curioso é que a pesar de estar presente en case todo o mundo, Pizza Hut nunca ousou entrar no mercado italiano.

A compañía anunciou un cambio de marca que se iniciou o 19 de novembro de 2014. O cambio de marca foi un esforzo para aumentar as vendas, que caeran nos dous anos anteriores. O menú ampliouse para introducir varios elementos como sabores de codia e once novas especialidades en empanadas. Tamén se actualizaron os uniformes de traballo para os empregados.[2]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]