Un pezuño[1] é unha unlla moi desenvolvida, composta por queratina, que cobre as dedas dos animais ungulados. Os animais que teñen pezuños camiñan apoiando o seu peso nestes, de aí que sexan denominados dixitígrados, a diferenza dos primates ou os osos, que camiñan sobre a planta do pé, sendo polo tanto plantígrados.
Os membros dos Artiodactyla, como a ovella, a cabra, o veado, o camelo, o gando vacún e o porco, teñen un número par de pezuños, con dous deles moito máis desenvolvidos, polo que se lles chama de pezuño fendido ou partido.
Os Perissodactyla, que inclúen os cabalos ou os rinocerontes, teñen un número impar de pezuños en cada pé. No caso dos équidos soamante conservan un, o pezuño do terceiro dedo.
O camelo posúe dous pezuños (artiodáctilo)
En troques, o cabalo non conta máis que con un (perisodáctilo)
O camelo posúe dous pezuños (artiodáctilo)
En troques, o cabalo non conta máis que con un (perisodáctilo)
