Pedro Moreda Debén
| Biografía | |
|---|---|
| Nacemento | 1852  A Devesa, España |
| Morte | 27 de xullo de 1928 (75/76 anos) Ribadeo, España |
| Actividade | |
| Ocupación | empresario |
Pedro Moreda Debén, nado na Devesa (Ribadeo) en 1852 e finado na vila de Ribadeo o 27 de xullo de 1928, foi un industrial indiano adicado ó negocio tabaqueiro.
Traxectoria
[editar | editar a fonte]Fillo de Juan Moreda Sarmiento e Etelvina Debén Colmenares, emigrou cedo xunto con outros dous irmáns a Cuba, onde conseguiu fundar unha próspera industrial tabaqueira. Fabricou puros coas marcas Flor de Moreda (a partir de 1882), Cornelia, Imparcial e La Diligencia. Os seus cigarros tiveron medalla de ouro nas exposicións de Bruxelas (1888 e 1897) e Anveres (1891).[1] Suicidouse cun tiro en Ribadeo o 27 de xullo de 1928.[2]
Á súa morte, a fabricación quedou en mans do seu irmán Bernardo e logo foi adquirida e trasladada ós EEUU. O seu éxito e as relacións con xentes da Devesa fixeron de tirón para a emigración da zona cara a Cuba.
Notas
[editar | editar a fonte]- ↑ Pedro Moreda, el devesano que fabricó puros de fama mundial consultada o 9-11-2015.
- ↑ Las Riberas del Eo, 4-8-1928, p. 6.