Pazo de Oca
| Pazo de Oca | |
|---|---|
 | |
| Concello | A Estrada |
| Provincia | Pontevedra |
| Comunidade | Galicia |
| Coordenadas | 42°44′47″N 8°23′40″O / 42.74647778, -8.39453056Coordenadas: 42°44′47″N 8°23′40″O / 42.74647778, -8.39453056 |
| Estilo arquitectónico | |
| Estilo orixinal | (século XVII) |
| Estilo actual | (século XVIII) |
| Estado actual | en bo estado |
| Véxase tamén | |
| Pazos de Galicia | |
O pazo de Oca é unha casa señorial galega construída entre os séculos XVII e o XVIII. De estilo barroco, pertence actualmente aos duques de Medinaceli. Foi declarada unha das propiedades de interese cultural da herdanza española.
Tamén é coñecido coma "O Xeralife do Norte" ou "Versalles galego" debido á gran beleza dos seus xardíns, que ocupan 8 hectáreas de terreo e pódense visitar durante todo o ano.
Índice
Situación[editar | editar a fonte]
Está situado na parroquia de Santo Estevo de Oca, no concello da Estrada, na provincia de Pontevedra, (Galicia). Encóntrase no val do río Ulla, a uns 30 quilómetros ao sueste da cidade de Santiago.
Historia[editar | editar a fonte]
O pazo foi rematado no século XVIII, xunto a unha vella fortaleza medieval. Está composto polo propio pazo, a capela e as vivendas dos traballadores.
Familias propietarias[editar | editar a fonte]
A primeira familia propietaria do pazo foi a de Don Suero de Oca. Na actualidade pertence ao Ducado de Medinaceli.
Os xardíns[editar | editar a fonte]
O pazo é un dos máis famosos de Galicia polos seus fermosos xardíns, que teñen pontes, árbores pouco frecuentes e, entre outras moitas cousas máis, un encoro con parrulos e gansos. Algúns dos exemplares botánicos son a Camellia reticulata (camelia reticulada) a Cryptomeria japonica (cedro do Xapón) ou as formacións de buxos e de tileiros.
Galería de imaxes[editar | editar a fonte]
- Artigo principal: Galería de imaxes do pazo de Oca.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Pazo de Oca  |
Outros artigos[editar | editar a fonte]
Ligazóns externas[editar | editar a fonte]
- Pazo de Oca, na web da Fundación Casa Ducal de Medinaceli.
