Pazo de Camba

Pazo de Camba
Concello	Rodeiro
Provincia	Pontevedra
Comunidade	Galicia
Coordenadas	42°40′13″N 7°54′45″O
Estilo arquitectónico
[ editar datos en Wikidata ]

O pazo de Camba, tamén coñecido como casa fortaleza de Camba, é unha construción civil situada en San Xoán de Camba (Camba, Rodeiro).

A súa torre, parte máis antiga, data do século XII e foise ampliando ata o século XVII. Foi parcialmente destruído no século XV durante as revoltas irmandiñas.

Os Camba son unha das familias nobres máis antigas de Galicia. Presentaron numerosos brasóns que tiveron en común a presenza de rodas de carro formadas por dúas pezas curvas ou “cambas”. Devandito símbolo era compartido cos Rodeiro, familia coa que estaban emparentados. Na parroquia de San Xoán de Camba e nas inmediacións da serra do Faro, temos un conxunto arquitectónico e histórico formado pola Casa-Fortaleza de Camba, que tamén é denominado Casa Forte de Seoane ou Pazo de Camba. Da fortaleza temos referencias xa na idade media, onde se coñecía como Fortaleza de Seoane de Camba, baixo os señoríos de Fernando de Camba. Tratábase dun recinto amurallado defendido por torres almenadas cun foso empedrado que podía ser mesmo asolagado. No século XV intentouse derruí polos Irmandiños

pero como estaba en rocha viva foi imposible; posteriormente, nos séculos XVI e XVII, transformouse nun Pazo que aínda conserva trazas da fortaleza como as tres naves e parte dunha das torres, que posiblemente fose a de homenaxe. Trátase dunha gran torre de 8 x 8 e un groso de paredes que van de 1,70 a 1, 50 metros. Conserva unha xanela de arcos semicirculares coroados por un tornalluvias e parte dos voladizos defensivos. No atrio, xunto ao muro da igrexa temos un sepulcro que pertence a Fernando de Camba (falecido en 1510). Atoparémolo roto, pois foi aberto para comprobar se gardaba unha armadura de ouro que contaban algunhas historias. Fernando de Camba participou na guerra de Granada xunto aos Reis Católicos.