Pavillón Polideportivo A Malata

Pavillón Polideportivo A Malata
	A Malata
	Instancia de pavillón deportivo
	Instancia de pavillón deportivo
	Deporte baloncesto; balonmán; fútbol sala; ximnasia rítmica
Implicados
	Propietario/a Concello de Ferrol
	Ocupante O'Parrulo FS; OAR Ferrol; Club Universitario de Ferrol
Datas
	Inauguración 1983
Capacidade
Dimensións
Capacidade
Capacidade	5.000
Localización
	Situado en A Malata, Serantes, Ferrol, provincia da Coruña, Galicia, España
	Coordenadas 43°29′39″N 8°14′49″O / 43.4941, -8.247
	Wikidata C:Commons

O Pavillón Polideportivo A Malata é un recinto deportivo cuberto sito na Malata (Serantes, no concello de Ferrol), que se dedica á práctica do baloncesto e do fútbol sala. Nel xoga os seus encontros como local o O Parrulo FS, e tamén foi o fogar do desaparecido OAR Ferrol. A capacidade das bancadas é de 4200 persoas, que se reparten en dúas tribunas laterais, xa que o pavillón non ten bancadas de fondo.

Campionato mundial de baloncesto 1986

Inaugurado en 1986, o pavillón foi elixido ese mesmo ano para ser unha das 7 sedes que acolleron o Mundial de baloncesto 1986. Na Malata xogáronse tódolos encontros do Grupo B durante a primeira fase, entre as seleccións de Cuba, Israel, Australia, Angola, Uruguai e a Unión Soviética, que finalmente foi subcampioa do mundo.

Outros eventos

Nos seguintes anos o pavillón acolleu ducias de encontros do OAR Ferrol na Liga ACB, e do O Parrulo FS na Primeira División da LNFS.

Na primeira semana de decembro de 2008 disputouse na Malata o campionato de España de tenis. A final xogouse o 7 de decembro, e nela enfrontáronse Fernando Verdasco e Tommy Robredo, con vitoria do segundo.

En agosto de 2024 acolleu un encontro amigable de fútbol sala entre as seleccións de España e Hungría.