Patria Mirabal
| Biografía | |
|---|---|
| Nacemento | (es) Aída Patria Mercedes Mirabal Reyes  27 de febreiro de 1924 Salcedo, República Dominicana (pt)  |
| Morte | 25 de novembro de 1960 (36 anos) |
| Datos persoais | |
| País de nacionalidade | República Dominicana |
| Actividade | |
| Ocupación | datilógrafa (pt) , activista política |
| Familia | |
| Irmáns | María Teresa Mirabal (en) , Minerva Mirabal (en) e Bélgica Adela Mirabal Reyes (en) |
 | |
Aída Patria Mercedes Mirabal Reyes de González, nada en Ojo de Agua o 27 de febreiro de 1924 e falecida en La Cumpre o 25 de novembro de 1960, foi unha mecanógrafa e activista dominicana. Foi unha das irmás asasinadas polo ditador Rafael Leónidas Trujillo.
Traxectoria[editar | editar a fonte]
Recibiu o nome de Patria por nacer o 27 de febreiro, cando se conmemora a independencia do seu país. Desde pequena tivo afección pola pintura. Terminou o ensino intermedio e graduouse en dactilografía no colexio Inmaculada Concepción de la Vega.
Pola súa participación nos esforzos para derrocar o ditador Rafael Leónidas Trujillo Molina, o goberno puxo en poxa pública todas as súas pertenzas campestres e confiscou a casa e as propiedades da familia González Mirabal. Con todo, preocupada polo futuro dos nenos do país, Patria seguía apoiando a súa irmá Minerva nos seus esforzos contra o goberno e opúñase a Trujillo.
Patria foi asasinada a golpes xunto a Minerva e María Teresa, as súas irmás, e Rufino de la Cruz, o condutor do Jeep no que viaxaban o 25 de novembro de 1960 cerca da ponte Marapica, na estrada entre Santiago e Puerto Plata, mentres regresaba ao seu fogar despois de visitar os esposos das súas irmás Minerva e María Teresa na fortaleza de Puerto Plata, onde se atopaban presos por sedición.[1]
Recoñecementos[editar | editar a fonte]
En memoria de Patria e as súas irmás Minerva e María Teresa, cada 25 de novembro conmemórase o Día Internacional da Eliminación da Violencia contra a Muller, pola resolución oficial da ONU aprobada pola súa asemblea o 7 de febreiro de 1999.[2][3][4]
Vida persoal[editar | editar a fonte]
Casou aos 17 anos con Pedro Antonio González, membro dunha prestixiosa e acomodada familia de terratenientes da rexión do Cibao. Desa unión naceron: Nelson Enrique, Noris Mercedes, e Fidel Raúl Ernesto.
Notas[editar | editar a fonte]
- ↑ "El brutal asesinato de las hermanas Mirabal que conmocionó al mundo" (en castelán). 2019-11-25. Consultado o 2020-11-24.
- ↑ "La tragedia de las hermanas Mirabal: cómo el asesinato de 3 mujeres dominicanas dio origen al día mundial de la No violencia contra la mujer". BBC News Mundo (en castelán). Consultado o 2020-11-16.
- ↑ "Día Internacional de la Eliminación de la Violencia contra la Mujer - 25 de noviembre" (en castelán). Consultado o 2020-11-16.
- ↑ "A/RES/54/134 - S - A/RES/54/134". Consultado o 2020-11-16.
