Partido Socialista Republicano Irlandés
Irish Republican Socialist Party (IRSP) | |
---|---|
Partido político de Irlanda do Norte e da República de Irlanda | |
Dirixentes e organización | |
Líder | Ard Chomhairle |
Mocidades | Republican Socialist Youth Movement |
Historia | |
Fundación | 8 de decembro de 1974 |
Na rede | |
http://www.irsp.ie/ | |
O Partido Socialista Republicano Irlandés (en inglés: Irish Republican Socialist Party, IRSP) é un partido político de ideoloxía republicana e socialista. Como moitos outros partidos políticos en Irlanda, reclámase herdeiro do legado do revolucionario socialista James Connolly, quen fundou o Partido Republicano Socialista Irlandés en 1896 e foi executado logo do Alzamento de Pascua de 1916.
O IRSP foi fundado o 8 de decembro de 1974 por antigos membros do Movemento Republicano Oficial, socialistas independentes e sindicalistas liderados por Seamus Costello. Unha sección paramilitar, o Irish National Liberation Army, foi fundada no mesmo día, malia que a súa existencia tentou agocharse até que o INLA puidese operar con efectividade. Seamus Costello foi elixido como primeiro presidente do partido e como presidente do consello de dirección do INLA. Xuntos, o IRSP e o INLA refírense a eles mesmos como o Movemento Socialista Republicano Irlandés.