Partido Democrático Alemán

Na Galipedia, a Wikipedia en galego.

O Partido Democrático Alemán (Deutsche Demokratische Partei, DDP) foi un partido político alemán formado ao comezo da República de Weimar ao unirse o Partido Progresista Popular e o sector esquerda do Partido Liberal Nacional en 1919 representando aos liberais de esquerda e que foron xunto co SPD o partido que máis pulou polo mantemento da forma de goberno democrática e republicana. Formou parte do primeiro goberno de Weimar e aínda que dimitiron como protesta polo Tratado de Versalles ao pouco volveron ao goberno. Os seus líderes foron Walther Rathenau, Eugen Schiffer, Otto Preuss, Otto Gessler e Erich Koch-Weser, e entre os membros máis coñecidos do DDP pódense citar a Theodor Heuss, Albert Einstein, Thomas Mann, Ludwig Quidde e Max Weber. En 1930 uniuse á Asociación Nacional do Reich, partido político que xurdira da nacionalista Jungdeutscher Orden, para formar o Partido do Estado Alemán que fracasou nas eleccións de 1930, o que provocou que tras a marcha da ANR o novo partido fora fundamentalmente o antigo DDP con outro nome. En 1933 xunto co resto dos partidos foi disolto polos nazis.

Resultados electorais[editar | editar a fonte]

  • 1919: 18.5%
  • 1920: 8.3%
  • 1924: 13.4%
  • 1928: 12.1%
  • 1930: 3.8%
  • 1932: 1%
  • 1933: 0.9%