Paralelepípedo

Paralelepípedo mostrando os nomes das súas medidas.

Paralelepípedo oblícuo. Vectores e volume.

Un paralelepípedo é un poliedro de seis caras, en que cada unha delas é un paralelogramo, que son paralelos e iguais dous a dous.

Tipos de paralelepípedos

• Un paralelepípedo oblicuo é o que ningunha das súas arestas é perpendicular ás caras.
• Un paralelepípedo recto é aquel que ten algunha das arestas perpendiculares a un par de caras. É tamén un prisma, no que as súas bases son paralelogramos.

Casos particulares

• Un paralelepípedo no que todas as súas bases son rectángulos, e por iso todas as súas caras son perpendiculares a unha a outra, é un ortoedro. É un tipo particular de paralelepípedo recto.
• Un paralelepípedo no que todas as súas caras son rombos denomínase romboedro.
• Un paralelepípedo no que todas as súas bases son cadradas é un hexaedro regular ou cubo.

Paralelótopo

Coxeter chamou paralelótopo á xeneralización dun paralelepípedo en dimensións máis altas. Na literatura moderna, o termo paralelepípedo utilízase a miúdo tamén en dimensións superiores (ou finitas arbitrarias).

Concretamente no espazo n-dimensional chámase paralelótopo n-dimensional, ou simplemente n-paralelótopo (ou n-paralelepípedo). Así, un paralelogramo é un 2-paralelótopo e un paralelepípedo é un 3-paralelótopo.

As diagonais dun n-paralelótopo córtanse nun punto e están cortadas por este punto. A Inversión neste punto deixa o n-paralelótopo sen mudanzas. Vexa tamén Puntos fixos de grupos de isometría no espazo euclidiano.

Véxase tamén

Ligazóns externas

• Terminoloxía matemática do SNL da Universidade da Coruña

---

Este artigo sobre matemáticas é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---