Palemónidos

A dos palemónidos (Palaemonidae) é unha familia de crustáceos decápodos carideos, a máis importante das 8 nas que se subdivide a superfamilia dos palemonoideos (Palaemonoidea).

Características

Son camaróns que teñen o primeiro par de pereiopódos acabados en pinza e o carpo do segundo par de pereiópodos non está subdividido.

É unha familia moi diversificada e numerosa, e contén algunhas especies que son dos decápodos máis estudados, xa que son fáciles de encontrtar no litoral e se poden capturar doadamente.

Adoitan vivir entre as rochas e nas pradería de posidonia, e poden poñer ovos dúas o máis veces no ano, cousa pouco habitual nos decápodos.

Sistemática

É unha familia moi extensa. Segundo a lista da ITIS, a familia Palaemonidae (Rafinesque, 1815), que comprende 82 xéneros e 660 especies, subdividídese en dúas subfamilias:

• Palemoninos (Palaemoninae Rafinesque, 1815)
• Pontoniinos (Pontoniinae Kingsley, 1878)

Dos 82 xéneres hai 3 catalogados como incertae sedis:

• Calathaemon Bruce et Short, 1993
• Climeniperaeus A.J. Bruce, 1996
• Cryphiops Dana, 1852

As especies máis comúns no Atlántico noroiental pertencen á subfamilia dos palemoninos.

Galería

• 
  Palaemon serratus.
• 
  Macrobrachium formosense.
• 
  Macrobrachium japonicum.
• 
  Tuleariocaris neglecta.

Véxase tamén

Outros artigos

• Decápodos
• Carideos
• Camarón

Ligazóns externas

• NCBI: Palaemonidae en NCBI. (en inglés)
• Palaemonidae en World Register of Marine Species. (en inglés)