Os pércidos ( Percidae ), comunmente percas, son unha familia de peixes propios de augas doces e salobres, incluídos na orde dos Perciformes. Están distribuídos por todo o hemisferio Norte.
Inclúe especies tan coñecidas como a perca común (Perca fluviatilis).
Corpo alargado, algo oblongo e comprimido, con escamas ctneoideas. Boca grande, terminal ou subterminal, co premaxilar protráctil ou non e varias filas de dentes afiados.
Dúas aletas dorsais: a primeira con 6-15 espiñas e a segunda con raios brandos ramificados; a aleta anal é oposta á segunda dorsal, con dúas espiñas; pelvianas en posición torácica, cunha espiña e 5 raios brandos; caudal algo fendida.
O talle máximo rexistrado é de 100 cm (Sander lucioperca).
Perca fluviatilis
Perca flavescens
Percina kathae
Sander lucioperca
