Os Inválidos

Na Galipedia, a Wikipedia en galego.
Vista áerea d'Os Inválidos
«Hôtel des Invalides» dende o Sur
San Luís d'Os Inválidos
O sarcófago de Napoleón Bonaparte.

Os Inválidos (en francés Hôtel des Invalides) é un edificio do século XVII (1671-1676) situado no sétimo distrito de París a 400 metros da Escola Militar e alberga hoxe en día o museo do Exército.

Historia[editar | editar a fonte]

O edificio foi construído por orde do Rei Lois XIV de Francia para os veteranos inválidos de guerra que ficaban sen fogar. Os planos son de Libéral Bruant, e a construción foi levada a cabo por Jules Hardouin-Mansart.

Alberga os restos de Napoleón Bonaparte, que foron trasladados da Illa de Santa Helena a París en 1840, por iniciativa do rei Lois Filipe de Orleáns. Dende 1940 contén tamén os restos do seu fillo, o chamado Rei de Roma, do seu irmán Xosé I de España, así como os de varios mariscais, entre eles Lyautey, Foch e Leclerc.[1]

Arquitectura[editar | editar a fonte]

O conxunto arquitectónico destaca pola dourada cúpula (o domo, le Dôme) da capela San Luís (Saint Louis), que Lois XIV mandou construír para uso privado do rei e como mausoleo real, aínda que posteriormente non chegou a aloxar os restos de ningún rei de Francia.

Acceso[editar | editar a fonte]

  • Polo metro: estacións Varenne, La tour Maubourg, e Ecole Militaire.
  • Polo RER: Invalides.

Notas[editar | editar a fonte]

  1. "Commémorations du 60ème anniversaire de la libération de Paris...". Deutsche Welle 25.08.2004 (en francés). 2004. Consultado o 18/12/2007. 

Ligazóns externas[editar | editar a fonte]