O tío Plácido
| O tío Plácido | |
|---|---|
| Título orixinal | Tonton Placide |
| Autor/a | Peyo e Gos |
| Ilustrador/a | Peyo e François Walthéry |
| Orixe | Bélxica |
| Lingua | francés |
| Colección | Bieito Fendeferro |
| Xénero(s) | Banda deseñada |
| Editorial |  nº 1555 de Spirou Editorial Casals |
| Data de pub. | 1968 1990 |
| Páxinas | 64 |
| Tradución | Miguel Vázquez Freire |
| [ editar datos en Wikidata ] | |
O tío Plácido (Tonton Placide en lingua francesa) é a cuarta historia de banda deseñada da serie do personaxe Bieito Fendeferro, creada por Peyo. Apareceu en 1968, entre os números 1555 e 1584 da revista Spirou, e foi publicada como álbum en 1969.
Foi traducido ao galego por Miguel Vázquez Freire, e publicado por Editorial Casals en outubro de 1990.
Trama[editar | editar a fonte]
Bieito Fendeferro vai pasar as vacacións á casa do seu tío Plácido. Este traballa de gardacostas dos servizos secretos, encargado da vixilancia de políticos importantes. O seu superior, o coronel, encárgalle que vixíe o ministro de Finanzas dun país estranxeiro, que vén recoller uns documentos importantes para a impresión de billetes de banco. Plácido protesta porque está tamén de vacacións pero o xefe dille que é unha misión sen risco e que pode levar con el ao cativo, pois trátase simplemente de escoltar ao home até o aeroporto.
Porén, unha banda de ladróns quere roubarlle a maleta ao ministro, e comeza un secuestro e unha persecución, na que Bieito toma parte para axudar ao seu tío.
Personaxes[editar | editar a fonte]
- Bieito Fendeferro
- O tío Plácido
- Monsieur Chnick, ministro de Facenda do principado de Fürengrootsbadenschtein.
