O espírito do bosque
| O espírito do bosque | |
|---|---|
| Ficha técnica | |
| Título orixinal | El espíritu del bosque |
| Director | David Rubín |
| Produtor | Manuel Gómez Santos |
| Guión | Beatriz Iso Soto |
| Música | Arturo Kress Varela |
| Montaxe | Juan Galiñanes García |
| Estudio | Dygra Films |
| Distribuidora | Manga Films[1] |
| Estrea | 12 de setembro de 2008 |
| Duración | 80 minutos |
| Orixe |  Galicia |
| Xénero | Animación |
| Recadación | 1.036.528,67 €[1] |
| Filme anterior | O bosque animado |
| Na rede | |
| http://www.dygrafilms.es/index_dygra_ENG.htm | |
        | |
O espírito do bosque é un filme de animación de 2008 dirixido por David Rubín.[2] É a terceira longametraxe de animación producida por Dygra Films e a secuela de O bosque animado, que foi o primeiro filme en animación 3D por ordenador en ser producido en Europa.[3]
Produción e distribución
[editar | editar a fonte]A película está dirixida por David Rubín, que se encargou da dirección artística, e Xoán Carlos Pena, encargado de coordinar a produción técnica. A película foi presentada no Festival de Cannes e seleccionada para competir na sección oficial da XXV edición do Festival Internacional de Cine Infantil de Chicago, que tivo lugar entre o 23 de outubro e o 2 de novembro de 2008.
Na súa produción participaron máis dun cento de persoas, entre animadores, deseñadores, músicos, físicos, técnicos e dobradores. Esta última faceta foi levada a cabo na súa versión en galego por coñecidas voces de dobraxe da Galega. A distribución da cinta, que custou 14 millóns de euros, correu a cargo de Manga Films, a diferenza dos dous títulos anteriores de Dygra, que foron comercializados por Buenavista.
Trama
[editar | editar a fonte]A trama da película, ambienta da Fraga de Cecebre, ao igual que a súa anterior produción, O bosque animado, consiste no intento das árbores e animais da mesma en impedir que se constrúa unha estrada a través do bosque. A ambientación e varias das personaxes son as mesmas que en O bosque animado.
Personaxes e actores de dobraxe na versión galega
[editar | editar a fonte]- Furi (toupa) –Ignacio Castaño
- Linda (toupa) – Consuelo Díaz Isorna
- Cebolo (toupa) – Carolina Vázquez Diéguez
- Piorno (rato) - Carlos Jiménez Díaz
- Hu-hu (mosca) – Oscar Fernández
- Ho-ho (mosca) - Xoán Dieguez Vázquez
- Morriña – Ana Lemos
- Señora D´Abondo – Lucía Cid Cabido
Premios
[editar | editar a fonte]Foi candidata ao Goya á mellor longametraxe de animación en 2008.
Notas
[editar | editar a fonte]- ↑ 1,0 1,1 "Spirit of the Forest (2008)". Box Office Mojo.
- ↑ SAPO. "Espíritu del bosque - SAPO Mag" (en portugués). Consultado o 2024-06-09 – vía mag.sapo.pt.
- ↑ "O bosque animado, a primeira película de animación europea en 3D, cumpre vinte anos". Academia Galega do Audiovisual ; www.academiagalegadoaudiovisual.gal. Consultado o 2023-03-05.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]| Control de autoridades |
|
|---|
