O cabaliño de buxo
| O cabaliño de buxo | |
|---|---|
| Autor/a | Xosé Neira Vilas |
| Ilustrador/a | Xosé Conde Corbal Xosé Díaz Xosé Vizoso |
| Cuberta | Isaac Díaz Pardo (1ª ed.) |
| Orixe |  Galicia |
| Lingua | galega |
| Tema(s) | Realidade social |
| Xénero(s) | Narrativa |
| Editorial | Ediciós do Castro |
| Data de pub. | 1971 |
| Páxinas | 68 |
| [ editar datos en Wikidata ] | |
O cabaliño de buxo é unha novela de literatura infantil e xuvenil de Xosé Neira Vilas publicada en 1971 por Ediciós do Castro. Está adicada a Anisia Miranda, e segue a liña de obras protagonizadas por nenos comezada con Memorias dun neno labrego (1961).
Argumento[editar | editar a fonte]
A obra está protagonizada por Ruliño. Despois da presentación do neno hai dez capítulos: "O cabaliño de buxo", "Na romaría", "Augardente", "A carta", "O reló", "O retrato", "O niño da rula", "O circo", "Un meniño" e "Na escola".
Edicións[editar | editar a fonte]
A primeira edición saíu do prelo o 17 de maio de 1971 tiña a portada deseñada por Isaac Díaz Pardo. O libro foi publicado de novo por Ediciós do Castro en 1977 e 1979, e ao igual ca na primeira edición incluía un glosario. En 1992 saíu do prelo a 12ª edición. Foi ilustrado sucesivamente por Xosé Conde Corbal, Xosé Díaz e Xosé Vizoso.[1]
Notas[editar | editar a fonte]
- ↑ Narrativa Arquivado 08 de decembro de 2015 en Wayback Machine., na páxina web da Fundación Xosé Neira Vilas.
