Noelia Rodríguez

Noelia Rodríguez
Presentación de Sons de baleas
Nacemento	14 de outubro de 1977 (41 anos)
	Lisboa, Portugal
Nacionalidade	España
Ocupación	poeta e escritora
Xéneros	Poesía
[ editar datos en Wikidata ]

Noelia Rodríguez, nada en Lisboa o 14 de outubro de 1977, é unha poeta galega.

Traxectoria

Nacida en Lisboa no seo dunha familia galega. Retorna a Galicia con tres anos, e pasa a súa infancia na aldea de Vilaméa (Lobios), no val do Riocaldo. Este tempo alimentará a súa linguaxe cunha variante do galego propia da Baixa Limia. Este feito marcará a súa escrita. Sendo estudante en Ourense, comezou a compoñer os seus primeiros escritos, ao tempo que formou parte da creación do Clube Literario Estudantil. Cursou estudos universitarios de Dirección de Empresas e Filoloxía Galega en Santiago, onde continua escribindo e participando do ambiente artístico e literario da capital galega. Neste tempo participa en recitais poéticos e intégrase no Comité Teatro, colaborando de actriz e de co-autora de textos ó longo de tres anos. Colabora con distintos medios tanto con achegas poéticas como con relatos breves. Actualmente reside en Santiago de Compostela.

Obras

Poesía

• Sons de baleas (Edição Calidum, 2003)

Obras colectivas

• Vieiros de palabra. Terra de Celanova-Baixa Limia en letras de autor, 2012, Librería Conde, Celanova.
• 150 Cantares para Rosalía de Castro (2015, libro electrónico).
• 6 poemas 6. Homenaxe a Federico García Lorca, 2015, Biblos Clube de Lectores. Poesía.

Outras

Ten no prelo un segundo poemario: Non te esquezas dos peixes vermellos.

Véxase tamén

Ligazóns externas

• Perfil en As escollas electivas
• A autora en Vieiros