Noelene Nabulivou
| Biografía | |
|---|---|
| Nacemento | século XX  |
| Datos persoais | |
| País de nacionalidade | Fidxi |
| Actividade | |
| Ocupación | assessora política (pt)  |
Premios
| |
Noelene Nabulivou, é unha activista e portavoz de Fidxi sobre o cambio climático, o desenvolvemento sustentábel, e a igualdade de xénero.[1] É cofundadora e asesora política de Diverse Voices and Action for Equality (DIVA, en galego Voces Diversas e Acción pola Igualdade), unha organización que se centra na xustiza climática, a violencia contra as mulleres, os dereitos humanos e os dereitos LGBTQ.[2][3]
Traxectoria[editar | editar a fonte]
| “ | “Encántame ser unha insular do Pacífico. Somos divertidos, feroces e estratéxicos. Enfrontámonos a realidades globalizadas coloniais e poscoloniais, e tratamos de manter o mellor de nós.
Porén, os nosos sistemas patriarcais inxustos e pouco examinados impiden que moitas persoas do Pacífico de tódolos xéneros logren os nosos soños.” |
” |
Nabulivou medrou entre Perth, Australia e Fidxi. En Perth participou en pequenos colectivos anarquistas, grupos de inmigrantes e indíxenas, e proxectos de arte pública.[3] Estudou relacións internacionais e estudos para a paz a nivel universitario, e tamén é diplomada en artes comunitarias.[5]
Nabulivou é unha portavoz activa de Fidxi e o Pacífico nos procesos e grupos de traballo das Nacións Unidas como os Pequenos Estados Insulares en Desenvolvemento, Rio+20 (a Conferencia das Nacións Unidas sobre o Desenvolvemento Sustentábel) e a Axenda do 2030 (os Obxectivos de Desenvolvemento Sustentábel das Nacións Unidas).[5]
Noelene tamén deu formación a moitos activistas e feministas de Fidxi e o Pacífico para compartir os seus coñecementos con eles.[2]
Notas[editar | editar a fonte]
- ↑ "'The most inspiring person I've ever met': your aid worker heroes of 2016" (en inglés). 2016-12-22. Consultado o 2018-07-22.
- ↑ 2,0 2,1 2,2 "Noelene Nabulivou" (en inglés).
- ↑ 3,0 3,1 "Human Rights Activist Noelene Nabulivou On Equality" (en inglés). Consultado o 2018-07-22.
- ↑ Tradución ó galego de: "I love being a Pacific islander. We are funny, fierce and strategic. We face colonial and post-colonial globalised realities, and try to keep what is best about us. However, our under-examined and unfair patriarchal systems stop many Pacific people of all genders from achieving our dreams."
- ↑ 5,0 5,1 "Noelene Nabulivou. Pacific" (en inglés). Arquivado dende o orixinal o 26 de abril de 2021. Consultado o 2018-07-22.