Narnia

Farol de Narnia

Narnia é un mundo fantástico creado polo autor norteirlandés C.S. Lewis como lugar para a acción d´As Crónicas de Narnia, unha serie de sete libros infantís.

Narnia

Narnia

"As Crónicas de Narnia" ocorre. É un nome utilizado non só para se referir ao mundo máxico, paralelo ao noso, mais tamén para se referir a un país específico dese mundo, como describe o fauno Sr. Tumnus en O León, A Feiticeira e o Gardarroupa: Narnia son as terras entre o poste de luz (o Ermo do Farol) e o castelo de Cair Paravel.

Ao sur do país de Narnia, separados por un deserto, está a Calormania, que ten capital en Tashbaan. Narnia tamén ten fronteira ao sur coa Arquelandia (que ten capital en Anvar) e ao norte con Ettin, a terra dos xigantes. Ao leste está o grande océano oriental. Nel están as Illas Solitarias, que tamén forman parte das terras de Narnia.

Habitantes

Hai diversas razas habitando o mundo de Narnia. Alén dos humanos hai tamén ananos, xigantes e diversas criaturas mitolóxicas.

Ananos

A pesar dos libros só relataren a presenza de ananos, tamén hai ananos renegados que son mestizos con humanos. Iso lévanos a crer que tamén existen ananas. Exemplos de ananos citados son Nikabrik, un anano negro e Trumpkin, un anano vermello. Ambos aparecen en O Príncipe Caspian.

Animais Falantes

Hai diversas especies de animais falantes, desde roedores até lobos e cabalos. A pesar destes animais se pareceren cos que encontramos no noso mundo, posúen algunhas diferenzas alén da habilidade de falar. Por exemplo o tamaño diferente dos animais que non saben falar e a habilidade de pensar. Os animais que falan economizan os servizos con respecto ao intelecto atribuído a eles no momento da creación de Narnia.

Exemplos de animais falantes citados nos libros son Maugrín -o lobo xefe da policia en O León, A Feiticeira e o Gardarroupa-, Caza-trufas -un teixugo- e Ripchip -un rato-, e todos eles aparecen n´O Príncipe Caspian.

Criaturas Mitolóxicas

Innúmeras criaturas mitolóxicas tamén habitan o mundo de Narnia, gran parte vida da mitoloxía grega. Hai tamén criaturas que son creación do propio C.S. Lewis. Por exemplo, Sr. Tumnus que aparece n´O León, A Feiticeira e o Gardarroupa é un fauno.

Hai tamén outros personaxes importantes que frecuentan Narnia como Papá Noel, Baco e Tash.

Exemplos de criaturas mitolóxicas que viven en Narnia son faunos, centauros, dríades, náiades, minotauros, ogros, dragóns, unicornios e sátiros.

Feiticeiras

Xadis, a feiticeira branca

Aparecen dúas feiticeiras en Narnia en dúas épocas distintas:

-A primeira é a Feiticeira Branca, tamén coñecida como Xadis, emperatriz de Charn. Esta feiticeira estivo presente en Narnia desde a súa creación, conforme se narra n´O Sobriño do Mago, sendo raíña até que Aslan a venceu en O León, A Feiticeira e o Gardarroupa.

-A segunda é a Feiticeira Verde, que aparece n´A Cadeira de Prata, que posuía planos para conquistar Narnia.

Outras criaturas

Outras tres criaturas son os paulamas, como o pesimista Brexeiro, personaxe de A Cadeira de Prata, os terrícolas habitantes do mundo inferior que tamén aparecen en A Cadeira de Prata e os tontópodes encontrados nunha illa n´A Viaxe do Peregrino da Alborada.

Aslan

Aslan é o León redentor de Narnia, responsábel da súa creación e por decretar o seu fin. Creou Narnia a través do seu canto, relatado n´O Sobriño do Mago. É referenciado como fillo do Emperador de Alén Mar e aparece en Narnia cando o país precisa de axuda.

N´O León, A Feiticeira e o Gardarroupa Aslan sacrifícase no lugar de Edmundo, pois a este último a Feiticeira Branca desexaba sacrificalo como traidor. Porén, como profundo coñecedor das maxia profunda que rexe en Narnia desde a creación, el resucita despois de ser morto.

Tempo

O tempo en Narnia non pasa da mesma forma que no noso mundo. En xeral pasa moito máis rápido en Narnia, como pode observarse n´O León, A Feiticeira e o Gardarroupa, cando os nenos crecen en Narnia, mais ao retornaren ao noso mundo practicamente non pasara o tempo.

A idea de que o tempo pasa de maneira diferente en Narnia e no noso mundo é de certa forma baseada na Teoría da Relatividade de Einstein.

A través dos eventos nos libros pdese deducir unha cronoloxía aproximada en anos narnianos:

• O Sobriño do Mago: Ano 1
• Chegada dos telmarinos a Telmar: Ano 460
• O León, A Feiticeira e o Gardarroupa: Ano 1000
• O Cabalo e o seu Meniño: Ano 1014
• Fin da época de ouro: Ano 1015
• O Príncipe Caspian: Ano 2303
• A Viaxe do Peregrino da Alborada: Ano 2306
• A Cadeira de Prata: Ano 2376
• A Última Batalla: Ano 2575

Xeografía

Narnia é un mundo plano e non esférico como o noso, conforme narrado n´A Viaxe do Peregrino da Alborada. No limiar do mundo de Narnia o ceo e o mar encóntranse, e alén de alí está a terra de Aslan. O solo é unha capa morta como a pel que recobre o noso corpo, pero máis no interior da terra as rochas tamén son criaturas vivas.

Reis e Raíñas

Os seguintes reis e raíñas cítanse ao longo da serie:

• Rei Franco e Raíña Helena (coroados por Aslan como primeiros reis de Narnia)
• Raíña Xadis, A Feiticeira Branca (que non era unha raíña lexítima)
• Rei Pedro, Raíña Susana, Rei Edmundo e Raíña Lucía (reinando xuntos na Época de Ouro)
• Rei Caspian IX
• Rei Miraz e Raíña Prunaprismía
• Rei Caspian X
• Rei Rilian
• Rei Erlian (pai de Tirian)
• Rei Tirian (o último rei de Narnia)

Esta lista non contén todos os reis e raíñas, pois dise que houbo innúmeros reis e raíñas ao longo da historia de Narnia.

Véxase tamén

• As Crónicas de Narnia: o león, a feiticeira e o gardarroupa (O Filme)

Ligazóns externas

• Páxina oficial do filme das Crónicas de Narnia
• O Mundo de Narnía; Todo sobre as As Crónicas de Narnia en español
• O maior site alemán de Narnia
• Site dos fás de Narnia