Myroslav Slaboshpytskyi

Myroslav Slaboshpytskyi
	;
Nome orixinal	(uk) Мирослав Михайлович Слабошпицький
Biografía
Nacemento	17 de outubro de 1974 (49 anos); Kíiv, Ucraína
Datos persoais
País de nacionalidade	Unión Soviética ; Ucraína
Educación	Universidade Nacional de Teatro, Cinema e Televisión de Kíiv
Actividade
Campo de traballo	Dirección de cine
Ocupación	realizador , produtor de cinema , director de cinema , guionista , actor
Membro de	National Union of Cinematographers of Ukraine (en)
Obra
	Obras destacables (2014) The Tribe (en) ;
	Premios (2015) Oleksandr Dovzhenko State Prize (en) ; (2014) Sutherland Trophy (en) , premiado polo traballo The Tribe (en) ; (2014) European Film Award for European Discovery of the Year (en) , premiado polo traballo The Tribe (en) ;

Myroslav Mykhailovych Slaboshpytskyi (en ucraíno: Мирослав Михайлович Слабошпицький), nado en Kíiv o 17 de outubro de 1974, é un director de filmes ucraíno.

Traxectoria[editar | editar a fonte]

Slaboshpytskyi é fillo do escritor ucraíno e crítico literario Mykhailo Slaboshpytskyi. Até 1982 viviu en Lviv.

Slaboshpytskyi graduouse na Universidade Nacional de Teatro, Cine, e Televisión de Kíiv centrándose na dirección de cine e televisión. Traballou como reporteiro e escribiu guións para cine e televisión. A comezos da década de 1990 traballou nos Estudios de cine Dovzhenko.

Desde o ano 2000 é membro da Asociación ucraína de Cineastas. Foi vicepresidente da Asociación de Xoves Cineastas de Ucraína.

En 2006 rodou a súa primeira curtametraxe Жах (O incidente), seleccionado en festivais de dezasete países.^[1]

A súa segunda curtametraxe Діагноз (Diagnose) competiu polo Oso de Ouro na Berlinale en 2009, e ó ano seguinte o director foi seleccionado novamente pola súa curta Глухота (Sordeira).^[1]

En 2014 Slaboshpytskyi deuse a coñecer coa súa película “A Tribo” que se estreou no Festival de Cine de Cannes. A película está feita completamente en lingua de signos ucraína sen subtitulos. Gañou o Gran Premio Nespresso, así como o Premio para Visionarios de Francia 4 e o Premio de Apoio á Distribución da Fundación Gan na sección da Semana Internacional da Crítica no Festival de Cannes de 2014.

O 24 de outubro de 2018 deuse a coñecer que Myroslav Slaboshpytskyi foi escollido para dirixir a película Tigre. A película está baseada no libro de non ficción de 2010 de John Vaillant. Focus adquiriu os dereitos do libro en 2010 e a, comezos do proxecto, considerouse como un traballo para participación de Brad Pitt coa dirección de Darren Aronofsky. Ao final os dous decidiron ficar como produtores e deixar a dirección a Slaboshpystskyi.^[2]