Muxílidos
Os Muxílidos (muxos ou lisas) (Mugilidae) son unha familia de peixes teleósteos, mariños ou de auga doce, única familia da orde Muxiliformes (Mugiliformes). Están distribuídos por mares temperados e tropicais, próximos á costa.
Características[editar | editar a fonte]
Corpo musculoso, fusiforme, con grandes escamas adherentes. Cabeza ancha e aplastada. A boca é pequena ou de tamaño moderado, terminal, algo ínfera e sen dentes ou con dentes moi pequenos. Posúen un estómago musculoso e un intestino extremadamente longo. A lonxitude máxima descrita é de 90 cm (FishBase).
Posúen dous aletas dorsais curtas e moi separadas, a primeira espiñosa con 4 espiñas delgadas e a segunda cunha espiña e 7-10 radios brandos; pectorais en situación alta; as aletas pelvianas son subabdominais, cunha espiña e 5 radios brandos; a anal con 2-3 espiñas e 8-11 radios brandos. Caudal furcada, fendida ou truncada. A liña lateral, cando está presente, ás penas é visible.
Móvense agrupados en cardúmenes e aliméntase de pequenas algas, diatomeas e detritos dos sedimentos do fondo. A súa pesca ten certa importancia comercial.
Clasificación[editar | editar a fonte]
Divídense en 17 xéneros con 72 especies:
- Xénero Agonostomus (Bennett, 1832)
- Xénero Aldrichetta (Whitley, 1945)
- Xénero Cestraeus (Valenciennes en Cuvier y Valenciennes, 1836)
- Xénero Chaenomugil (Gill, 1863)
- Xénero Chelon (Artedi en Röse, 1793)
- Xénero Crenimugil (Schultz, 1946)
- Xénero Joturus (Poey, 1860)
- Xénero Liza (Jordan y Swain, 1884)
- Xénero Moolgarda (Whitley, 1945)
- Xénero Mugil (Linnaeus, 1758)
- Xénero Myxus (Günther, 1861)
- Xénero Neomyxus (Steindachner, 1878)
- Xénero Oedalechilus (Fowler, 1903)
- Xénero Paramugil (Ghasemzadeh, Ivantsoff and Aarn, 2004)
- Xénero Rhinomugil (Gill, 1863)
- Xénero Sicamugil (Fowler, 1939)
- Xénero Valamugil (Smith, 1948)
Véxase tamén[editar | editar a fonte]
Ligazóns externas[editar | editar a fonte]
|
