Montouto, Abegondo

Na Galipedia, a Wikipedia en galego.
Saltar ata a navegación Saltar á procura

Coordenadas: 43°12′28″N 8°19′24″O / 43.2079162, -8.3233242

Montouto
Santa Cristina de Montouto.jpg
Igrexa de Santa Cristina de Montouto.
Parroquia de Montouto do concello de Abegondo.png
ConcelloAbegondo[1]
ProvinciaA Coruña
Poboación312 hab. (2016)
Entidades de poboación11[1]
editar datos en Wikidata ]

Santa Cristina de Montouto é unha parroquia que se localiza no oeste do concello de Abegondo na comarca da Coruña. Linda ao norte coas parroquias de Figueroa e Sarandós, Cabanas, ao sur con Folgoso e con Beira, Carral ao leste. Segundo o IGE en 2016 tiña 312 habitantes (156 homes e 156 mulleres) distribuídos en 11 entidades de poboación, o que supón un aumento en relación ao ano 1999 cando tiña 391 habitantes.

Cultura[editar | editar a fonte]

O topónimo Montouto provén da expresión latina de monte alto, o cal fai referencia á elevación do terreo.[2][3][4]

Patrimonio[editar | editar a fonte]

A igrexa de Santa Cristina de Montouto é un templo de tipoloxía rural dun estilo barroco e que foi construída no século XVII, seguindo a tipoloxía máis frecuente na comarca. Está situada no Campo do Monte. A arquitectura da igrexa é sinxela e sobria: está formada por unha planta rectangular, cunha fábrica de cachotaría recebada e pintada agás nos esquinais, e enmarcados nos vans que son de cantería de granito. A igrexa está cuberta de tella e o zócolo é con cornixa voada, sobre da que vai a espadana de dous ocos de campás, moldura mixtilínea embaixo da espadana. Na decoración interior destacan os elementos de carácter xeométrico, que conforman a súa característica principal. No eixo vertical a está porta de entrada rectangular e un oco pequeno que remata na espadana[5][6]. No adro da igrexa está tamén o cemiterio e superficies axardinadas con árbores autóctonas. No medio do adro diante da fachada, hai unha pila bautismal histórica[5].

O cruceiro de Santa Cristina está no Campo da festa. Aséntase nunha plataforma cuadrangular con dous pés de formigón. O pedestal é un tronco piramidal e o varal ten unha sección octogonal que comeza e remata en forma de cadrado. O capitel está moldurado e ten unha cruz de sección octogonal, cun botón central e remates florenzados[5].

O Chan do Castro, ou castro de Montouto é un asentamento fortificado situado entre os lugares de Santín e Figueroa Pequeno. Da idade de ferro-romano, ten unhas dimensións de 160 por 200 metros. Está cuberto por vexetación e non se aprecia a súa morfoloxía. Apréciase que se trataría dunha coroa circular cunha primeira explanada que non pecha o recinto por en enteiro, e outra maior ca a anterior que englobaría a todo o conxunto. A conservación é regular e as pistas que se construíron na zona cortan o seu extremo suroriental[5]

Galería de imaxes[editar | editar a fonte]

Lugares e parroquias[editar | editar a fonte]

Lugares de Montouto[editar | editar a fonte]

Lugares da parroquia de Montouto no concello de Abegondo (A Coruña)

Ar | O Campo do Monte | As Carballas | A Casanova | O Couto | O Couto do Medio | O Empalme | A Fraga | O Franco | As Nogueiras | O Pazo | Quintán | San Bartolomeu | Santín | A Taberna Nova

Parroquias da Abegondo[editar | editar a fonte]

Galicia | Provincia da Coruña | Parroquias de Abegondo

Abegondo (Santaia) | Cabanas (San Xián) | Cerneda (San Salvador) | Cos (Santo Estevo) | Crendes (San Pedro) | Cullergondo (Santa María) | Figueroa (San Miguel) | Folgoso (Santa Dorotea) | Leiro (Santaia) | Limiñón (San Salvador) | Mabegondo (San Tirso) | Meangos (Santiago) | Montouto (Santa Cristina) | Orto (San Martiño) | Presedo (Santa María) | Sarandós (Santa María) | Vilacova (San Tomé) | Viós (San Salvador) | Vizoño (San Pedro)

Notas[editar | editar a fonte]

  1. 1,0 1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
  2. Sánchez Pardo, JC.; Andrade Cernadas, JM (Dirección) (2008). "Territorio y poblamiento en Galicia entre la antigüedad y la plena Edad Media (Tese)". Universidade de Santiago de Compostela: 1051. 
  3. Cabeza Quiles, F. (2000). Os nomes da terra. Noia: Toxosoutos. 
  4. Cabeza Quiles, F. (1992). Os nomes de lugar. Topónimos de Galicia: a sua orixe e o seu significado. Vigo: Edicións Xerais de Galicia. 
  5. 5,0 5,1 5,2 5,3 "PXOM: Concello de Abegondo". abegondo.gal. 26 de xuño de 2012. Arquivado dende o orixinal o 20 de febreiro de 2019. Consultado o 19 de febreiro de 2019. 
  6. Turgalicia

Véxase tamén[editar | editar a fonte]

Outros artigos[editar | editar a fonte]