Miki Núñez
.jpg) (2019)  | |
| Biografía | |
|---|---|
| Nacemento | 6 de xaneiro de 1996 (28 anos) Terrasa, España |
| Actividade | |
| Ocupación | cantante, presentador de televisión |
| Período de actividade | 2018 - |
| Xénero artístico | Música pop |
| Instrumento | Voz |
| Participou en | |
| 2022 | Eufòria (pt)  |
| maio de 2019 | Festival de Eurovisión 2019 (22º) |
| 2018 | Operación Triunfo 2018 |
| Familia | |
| Parella | Sara Roy (2019–) |
             | |
Miguel Núñez Pozo, nado o 6 de xaneiro de 1996 en Terrasa, provincia de Barcelona, máis coñecido como Miki Núñez ou simplemente como Miki, é un cantante catalán.[1] Deuse a coñecer en 2018, cando formou parte da décima edición de Operación Triunfo, quedando en sexto posto. Foi elixido para representar a España no Festival da Canción de Eurovisión 2019 co tema "La venda".[2]
Traxectoria
[editar | editar a fonte]Primeiros anos e formación
[editar | editar a fonte]O seu pai e a súa nai sempre apoiaron a súa paixón pola música, incluíndo cando decidiu ir a clases de guitarra e piano. Mentres crecía tivo sobrepeso, ata que decidiu comezar a facer algo para cambialo.[3][4] Estudou Educación Primaria na Universidade de Barcelona.[5] Traballou como profesor auxiliar nunha academia.[6]
Carreira musical
[editar | editar a fonte]Antes de darse a coñecer nacionalmente, era vocalista do grupo Dalton Bang, que versiona cancións do setenta e co que no verán de 2018 foi de xira por Cataluña.[7]
En 2018, Miki asistiu á audición para a décima tempada de Operación Triunfo, sendo o primeiro aspirante en conseguir o adhesivo nos castings e un dos 18 concursantes en ser seleccionados para a gala cero. Foi o único concursante desta edición que conseguiu ser favorito dúas veces, a primeira na gala 5, coa canción "El patio" de Pablo López Jiménez, e a segunda na gala 9. Nesta última, Miki cantou a primeira canción en catalán da historia do programa, "Una lluna a l'aigua" do grupo Txarango. Foi eliminado na semifinal do programa, conseguindo a sexta posición.[8]
Como concursante de Operación Triunfo, foi candidato a representar a España no Festival da Canción de Eurovisión 2019. Para a primeira fase do proceso de selección fóronlle outorgadas tres cancións: "El equilibrio" e "La venda" en solitario, e "Nadie se salva" a dúo coa súa compañeira Natalia Lacunza.[9] Estas dúas últimas cancións conseguiron un pase para a gala de preselección, sendo Miki e Natalia os únicos concursantes con dúas cancións na final nacional.[10] O 20 de xaneiro de 2019, "La venda" foi seleccionada a través do voto do público para representar a España no Festival da Canción de Eurovisión 2019 o mes de maio en Tel Aviv.[11][12]
Influencias
[editar | editar a fonte]Sinalou como os seus artistas favoritos a Dub Inc, The Cat Empire e Muse.[6][13] Declarou que o primeiro concerto ao que asistiu foi do grupo La Pegatina, cuxo integrante, Adrià Salas, sería máis tarde o compositor do seu tema para Eurovisión.[14]
Discografía
[editar | editar a fonte]Sinxelos
[editar | editar a fonte]- 2019: "La venda"
- 2019: "Celébrate"
- 2019: "Coral del Arrecife" (con Sofía Ellar)
Álbums de estudio
[editar | editar a fonte]- 2019: Amuza [15]
Notas
[editar | editar a fonte]- ↑ "Miki, concursante de OT".
- ↑ "Eurovisión OT: Miki representará a España en Tel Aviv".
- ↑ "El espectacular cambio físico de Miki de ‘OT 2018’".
- ↑ "El drástico cambio físico de un concursante de "OT 2018": "Antes pesaba 20 kilos más"".
- ↑ "Eurovisión 2019: Primera entrevista a Miki Nuñez, representante de España".
- ↑ 6,0 6,1 "Miki OT 2018 - Biografía". Arquivado dende o orixinal o 31 de marzo de 2019. Consultado o 18 de marzo de 2019.
- ↑ "Miki Núñez - noticias, fotos y vídeos". Arquivado dende o orixinal o 21 de xaneiro de 2019. Consultado o 18 de marzo de 2019.
- ↑ "Concursantes de OT 2018".
- ↑ "¿Quién ganará el billete a Tel Aviv? Así han ensayado los finalistas de la gala de Eurovisión".
- ↑ "Miki de ‘OT’: “Me gustaría que todos tuviéramos un tema para Eurovisión”".
- ↑ "Miki ('OT') da la sorpresa y pone rumbo a Eurovisión 2019 con 'La venda'".
- ↑ "Eurovisión: Miki ('OT 2018') representará a España coa canción 'La venda'".
- ↑ "Miki OT 2018".
- ↑ "‘OT Eurovisión’: Os mellores momentos da Gala".
- ↑ Villacañas, Javier (13 de setembro de 2019). "Aquí está Miki Núñez y su álbum "Amuza"". Cadena100. Consultado o 1 de decembro de 2019.
