Micacita

Na Galipedia, a Wikipedia en galego.
Saltar ata a navegación Saltar á procura
Micacita con moscovita e biotita.

A micacita ou micasquisto é unha rocha metamórfica composta de mica, seixo e proporcións menores doutros minerais.[1]

Orixe e características[editar | editar a fonte]

Ten a súa orixe no metamorfismo de antigas series arxilosas e lousas. Constan dunha alternancia de finos estratos de seixo e mica, e segundo sexa a índole desta, trátase de micacitas de mica branca (con moscovita, sericita etc.), de mica negra (biotita, clorita etc.) ou de dúas micas (mesturadas). Todas conteñen proporciona miúdas de minerais pesados, coma cornubiana, granate, epídota, cordierita, silimanita etc. Estes poden formar uns nódulos escuros, duns cantos milímetros de diámetro e o micasquisto que conten esas concrecións de orixe metamórfico é cualificado coma micacitas nodosas ou, se os nódulos son lisos, de xistos. Considerando a serie de rochas resultante dun metamorfismo dunha zona, óllase o paso das micacitas aos gneis.

Notas[editar | editar a fonte]

  1. "Geologic units containing mica schist". U.S. Geological Survey (en inglés). 13 de abril de 2012. Consultado o 20 de maio de 2012.