Mexillóns tigre

Na Galipedia, a Wikipedia en galego.
Saltar ata a navegación Saltar á procura
Detalle duns tigres.

Os tigres (ás veces chamados mexillóns recheos) son un prato servido coma tapa ou petisco orixinario de Galicia, mais que se ten popularizado en moitas zonas de España, especialmente en Madrid. Consiste nunhas cunchas de mexillóns enchidas, rebozadas e fritidas.[1] Adóitanse servir fríos ou quentes coma tapa, xeralmente acompañando unha bebida: viño (xeralmente viño branco: un albariño[1]) ou un vaso de cervexa.

Características[editar | editar a fonte]

O recheo dos tigres adoita constar dunha masa na que participan a carne dos propios mexillóns, cebola, allo, pan relado, un ovo duro. As máis das veces acostúmase engadir algún mollo picante. Adóitase formar unha masa mesta (semellante a unha bechamel[2]) que rechea a cuncha do mexillón. Rebózase con pan relado (empánase) e frítese en aceite a ferver até que collan unha cor dourada. Ás veces chámaselle tigre á croqueta elaborada coa mesma masa, mais sen a carapaza.

Notas[editar | editar a fonte]

  1. 1,0 1,1 CEAC, (2007), Cocina de Fiesta, Ediciones CEAC, pág. 36
  2. Ángela Landa, (2006), A fuego lento: la cocina de Ángela Landa, 4ª Ed, Editorial NEREA, pág. 19