MeteoGalicia
| MeteoGalicia | |
|---|---|
.png){kind=small} | |
 | |
| Fundación | 2000 |
| Matriz | Consellería de Medio Ambiente, Territorio e Infraestruturas |
| Localización | Rúa Roma, nº 6. 15707 Santiago de Compostela |
| Fundador | Xunta de Galicia |
| Industria | Meteoroloxía |
| Número de empregados | 25[1] |
| Na rede | |
| http://www.meteogalicia.gal | |
| [ editar datos en Wikidata ] | |
A Unidade de Observación e Predición Meteorolóxica (MeteoGalicia) é un organismo dependente da Consellaría de Medio Ambiente creada no ano 2000 froito dun convenio entre coa Universidade de Santiago de Compostela e que ten como obxectivos principais a realización dunha predición meteorolóxica de Galicia e a explotación e mantemento da rede de observación meteorolóxica e climatolóxica da Xunta de Galicia.
Descrición
[editar | editar a fonte]Co obxectivo de mellorar e optimizar o seu funcionamento, MeteoGalicia estrutúrase en catro áreas principais:
- Predición operativa
- Predición numérica
- Visualización
- Climatoloxía
MeteoGalicia desenvolve tamén modelos meteorolóxicos, oceanográficos e de ondaxe de moi alta resolución para mellorar as súas predicións meteorolóxicas. MeteoGalicia dispón dunha na que se poden atopar as distintas predición realizadas, as saídas dos modelos, datos meteorolóxicos e climatolóxicos, e máis información sobre as actividades do servizo. Hoxe en día ofrece unha das mellores predicións meteorolóxicas de Europa.
Desde 2001 realiza a previsión marítima xunto coa meteorolóxica. MeteoGalicia utiliza un sistema pioneiro de predición marítima e oceanográfica que permite predicir o estado do mar con catro días de antelación en dous tramos de día, de mañá e tarde; facilita así mesmo información específica sobre modelos de ondas costeiras e correntes, a dirección do vento, estado do mar, mar de fondo, altura de fondo, temperatura da auga, do ar e índice ultravioleta máximo.
As predicións marítimas fanse para cinco zonas: Costa Cantábrica, Ferrol - Bares, Ártabra, Costa da Morte e Rías Baixas, até 20 millas en mar aberto[2]. Pódense ver as rías de forma independente.
Notas
[editar | editar a fonte]- ↑ A Xunta defende a continuidade de Meteogalicia. Praza Pública, 22 de xuño de 2013.
- ↑ "Predición marítima - MeteoGalicia". www.meteogalicia.gal. Consultado o 2018-12-25.