María de Aragón (raíña de Castela)

María de Aragón
	;
Biografía
Nacemento	1403 ; Castela, España
Morte	18 de febreiro de 1445 (41/42 anos); Villacastín, España
Lugar de sepultura	Mosteiro de Guadalupe
Consorte real da Coroa de Castela
Actividade
Ocupación	raíña consorte
Outro
Título	Infanta of Aragón (en) ; Raíña
Familia	Casa de Trastámara
Cónxuxe	Xoán II de Castela (1420 (Gregoriano)–)
Fillos	Catarina de Catela, Leonor de Castela, Princesa das Astúrias, Henrique IV de Castela
Pais	Fernando I de Aragón e Leonor Urraca de Castela
Irmáns	Sancho of Aragon; Leonor de Aragón; Pedro de Aragón, conde de Alburquerque; Afonso V de Aragón; Xoán II de Aragón; Henrique de Trastámara de Aragón

Para outras páxinas con títulos homónimos véxase: María de Aragón.

María de Aragón, nada o 24 de febreiro de 1403,^[1] ao parecer en Medina del Campo (reino de Castela) e finada o 18 de febreiro de 1445 en Villacastín (reino de Castela), tamén coñecida como María de Trastámara, foi unha infanta de Aragón que ocupou o trono de Castela como consorte do rei Xoán II entre 1420 e 1445.

Era filla de Fernando I de Antequera, infante e rexente de Castela, e rei de Aragón, e da súa esposa Leonor Urraca de Castela, III condesa de Alburquerque, polo que tamén se coñece como Leonor de Alburquerque.

Foi, ademais, a nai do rei Henrique IV de Castela, irmá dos «Infantes de Aragón» e tía de Fernando II de Aragón.

Traxectoria

María foi comprometida en matrimonio co seu primo irmán Xoán, o futuro Xoán II de Castela, xa durante a minoría de idade deste, dentro da estratexia que establecera seu pai para situar ao seus fillos nos principais núcleos do poder hispano.

A súa voda celebrouse o 20 de outubro de 1418 en Medina del Campo.^[2]

Pouco tempo despois, o irmán de María, o infante Henrique, protagonizou o golpe de Tordesillas contra o rei de Castela, seu primo.

O infante Henrique, para asegurar o seu poder, convocou Cortes en Ávila, e forzou o seu matrimonio coa renuente irmá do rei de Castela, a infanta Catarina. A voda, que se realizou o 8 de novembro de 1420, dado o ambiente político, levose a cabo sen grandes cerimonias e sen ningún tipo de festexo, o que supoñía toda unha anomalía, e quedou reflectido nas crónicas do reinado.^[3]

María participou nalgunhas ocasións de forma activa na política, axudando sempre aos seus irmáns, os infantes de Aragón, aínda que isto supuxese opoñerse aos desexos do seu marido ou, mesmo, arrebatarlle o poder. Isto fixo que se vise afastadaa polo seu esposo en diversas ocasións.

A raíña María faleceu o 18 de febreiro de 1445 en Villacastín, e o seu corpo xace enterrado no panteón real do Mosteiro de Guadalupe.

Matrimonio e descendencia

Do seu matrimonio con Xoán II de Castela naceron catro fillos:

Catarina, princesa de Asturias (1422-1424).
Leonor, princesa de Asturias (1423-1425).
Henrique (1425-1474), que sucedería a seu pai como Henrique IV.
María (1428-1429).

Antepasados de María de Aragón

16. Afonso XI de Castela

8. Henrique II de Castela

17. Leonor de Guzmán

4. Xoán I de Castela

18. Don Juan Manuel

9. Xoana Manuel de Villena

19. Blanca Núñez de Lara

2. Fernando I de Aragón

20. Afonso IV de Aragón

10. Pedro IV de Aragón

21. Teresa de Entenza

5. Leonor de Aragón

22. Pedro II de Sicilia

11. Leonor de Sicilia

23. Isabel de Carintia

1. María de Aragón

24. Fernando IV de Castela

12. Afonso XI de Castela

25. Constanza de Portugal

6. Sancho de Castela

26. Pedro Núñez de Guzmán

13. Leonor de Guzmán

27. Xoana Ponce de León

3. Leonor de Alburquerque

28. Afonso IV de Portugal

14. Pedro I de Portugal

29. Beatriz de Castela

7. Beatriz de Portugal

30. Pedro Fernández de Castro

15. Inés de Castro

31. Aldonza Lorenzo de Valladares

Predecesor: Catarina de Lancaster	Raíña consorte da Coroa de Castela 1420 – 1445	Sucesor: Isabel de Portugal

Notas

↑ Palencia, Alfonso (1999): Gesta Hispaniensia ex annalibus suorum dierum collecta, 2: Libri VI-X. Edición, estudio y notas de B. Tate e J. Lawrance. Madrid: Real Academia de la Historia. ISBN 978-84-8951-243-6, p. 608.
↑ Moraleja Pinilla, Gerardo (1971): Historia de Medina del Campo. Medina del Campo: Ediciones Manuel Mateo Fernández. ISBN 84-5054-411-4.
↑ Fernán Pérez de Guzmán (1953): "Crónica de Juan II", en C. Rosell (ed.), Crónicas de los Reyes de Castilla, Tomo II. Madrid: Ed. Atlas, p. 389.

Véxase tamén

Bibliografía

Martín Vaquero, Rubén (2012): Tres reinas Trastámara. Boadilla del Monte (Madrid): Buenaventura. ISBN 978-84-9383-842-3. (María, Reina consorte de Juan II, Rey de Castilla; Blanca, Reina consorte de Enrique IV, Rey de Castilla; Juana, Reina consorte de Enrique IV, Rey de Castilla).
Trichet du Frésne, Pierre (1625): Maria Aragonia, tragoedia. Ed. Burdigalæ, Apud P. de la Court (en latín).

Outros artigos

Ligazóns externas

[1] Palencia, Alfonso (1999): Gesta Hispaniensia ex annalibus suorum dierum collecta, 2: Libri VI-X. Edición, estudio y notas de B. Tate e J. Lawrance. Madrid: Real Academia de la Historia. ISBN 978-84-8951-243-6, p. 608.

[2] Moraleja Pinilla, Gerardo (1971): Historia de Medina del Campo. Medina del Campo: Ediciones Manuel Mateo Fernández. ISBN 84-5054-411-4.

[3] Fernán Pérez de Guzmán (1953): "Crónica de Juan II", en C. Rosell (ed.), Crónicas de los Reyes de Castilla, Tomo II. Madrid: Ed. Atlas, p. 389.

[1]

[2]

[3]