Manuel Vidal Martínez
Biografía | |
---|---|
Nacemento | 1877 ![]() Vimianzo, España ![]() |
Morte | novembro de 1937 ![]() |
Datos persoais | |
País de nacionalidade | España ![]() |
Actividade | |
Ocupación | industrial , político ![]() |
Lingua | Lingua galega e lingua castelá ![]() |
![]() |
Manuel Vidal Martínez, nado en Vimianzo cara a 1877 e finado en novembro de 1937, foi un industrial e político galego.
Traxectoria
[editar | editar a fonte]Emigrou á Arxentina, onde fixo un pequeno capital. Retornou a Vimianzo e mercou uns muíños industriais en Pasarela. Na Segunda República militou en Unión Republicana. Foi concelleiro de Vimianzo e foi elixido terceiro tenente alcalde. En marzo de 1933 un veciño disparoulle nunha perna, quedando malferido.[1] Co golpe de Estado do 18 de xullo de 1936 agochouse para evitar as represalias. Pasou por varias casas de Calo e Traba de Laxe, e permaneceu algún tempo nun faiado en condicións moi precarias. Morreu en novembro de 1937 a consecuencia das duras condicións do agocho. Para evitar descubrir aos donos da vivenda na que estaba agochado, a familia trasladou clandestinamente o cadáver nun cabalo durante a noite, comunicando o seu falecemento ás autoridades cando xa estaba no domicilio familiar. Obrigaron a soterralo fóra da porta do cemiterio para que a súa tumba fose pisada por todos, e os que asistiron ao enterro foron multados. Decretaron a incautación dos seus bens por un valor de 7.500 pesetas.
Notas
[editar | editar a fonte]- ↑ La Voz de Galicia 21-4-1933, p. 5.
Véxase tamén
[editar | editar a fonte]Ligazóns externas
[editar | editar a fonte]- Manuel Vidal Martínez na base de datos do proxecto Nomes e voces.