Manuel Rei Romeu
| Biografía | |
|---|---|
| Nacemento | 3 de marzo de 1964  (60 anos)Berres, España |
| Datos persoais | |
| País de nacionalidade | España |
| Actividade | |
| Ocupación | político |
| Partido político | Bloque Nacionalista Galego |
| Lingua | Lingua castelá e lingua galega |
 | |
Manuel Rei Romeu, nado en Vilancosta (Berres, A Estrada) o 3 de marzo de 1964, é un escritor e crítico literario galego.
Traxectoria[editar | editar a fonte]
Estudou Filoloxía Galego-Portuguesa na Universidade de Santiago de Compostela, onde se acrecentará o seu interese polas figuras máis relevantes da literatura galega. Na actualidade alterna o seu traballo no IES "Concepción Arenal" de Ferrol con labores políticos no Concello de Pontedeume, onde reside.
Ao longo de máis dunha década centra os seus esforzos na análise da obra literaria e política de Castelao, referente que figurará para a súa obra ensaística. Así mesmo, foi un dos integrantes do comité científico encargado da publicación da Historia da Literatura Galega (AS-PG - A Nosa Terra) en 1996. Ademais desenvolve un intenso labor impartindo charlas e participando en diversos congresos, seminarios e xornadas.
Politicamente foi escollido concelleiro en Pontedeume polo BNG nas locais de 1995, e revalidou o seu asento como concelleiro en 1999, 2003, 2007 e 2011 como cabeza de lista dos nacionalistas. Ademais, entre 1999 e 2007 tivo responsabilidades de goberno en executivos liderados polo candidato do PSdeG-PSOE, Belarmino Freire. En decembro de 2011 anunciou que deixaba a vida municipal.[1]
Obras[editar | editar a fonte]
Ensaio[editar | editar a fonte]
- Arte e Verdade. A obra literaria de Daniel Castelao, 1991, Edicións do Cumio.
- Castelao e Sempre en Galiza, 1996, Laiovento.
- Afonso Daniel Castelao, 1999, A Nosa Terra.
- Castelao: Desta Terra, deste tempo, 2000.
- Volver a Castelao, 2011, Asociación de Escritores en Lingua Galega.
Edicións[editar | editar a fonte]
- A Narrativa de Castelao. Antoloxía, (editor), 1997, AS-PG/A Nosa Terra.
- Sempre en Galiza (Antoloxía), (editor), 1997, AS-PG/A Nosa Terra.
Obras colectivas[editar | editar a fonte]
- Literatura Galega. Século XX, 2001, A Nosa Terra.
- Literatura Galega: Da Idade Media ao Século XIX, 2002.
Notas[editar | editar a fonte]
- ↑ "RENUNCIO Á ACTA DE CONCELLEIRO NO CONCELLO DE PONTEDEUME". arquivo.bng-galiza.org. Arquivado dende o orixinal o 23 de marzo de 2021. Consultado o 2021-03-17.
Véxase tamén[editar | editar a fonte]
Ligazóns externas[editar | editar a fonte]
- Manuel Rei Romeu na páxina web da Asociación de Escritoras e Escritores en Lingua Galega.
