Manuel Hermida Balado

Na Galipedia, a Wikipedia en galego.
Saltar ata a navegación Saltar á procura
Manuel Hermida Balado
Nacemento11 de xuño de 1899
Lugar de nacementoOurense
Falecemento14 de setembro de 1988
Lugar de falecementoMonforte de Lemos
NacionalidadeEspaña
Ocupaciónxornalista e escritor
PaiManuel Hermida Vázquez
editar datos en Wikidata ]
Placa na casa onde viviu, Monforte de Lemos.

Manuel Hermida Balado, nado en Ourense o 11 de xuño de 1899 e finado en Monforte de Lemos o 14 de setembro de 1988, foi un xornalista e escritor galego.

Traxectoria[editar | editar a fonte]

Fillo de Manuel Hermida Vázquez. Criouse na vila de Monforte de Lemos, estudou no Colexio dos Escolapios. En 1917 iniciou as súas colaboracións xornalísticas escribindo crónicas para La Voz de Madrid e La Voz de Galicia dende Marrocos, onde cumpría o servizo militar. Ao seu regreso a Monforte de Lemos ocupou os cargos de redactor xefe do xornal Alborada e de director da revista La Semana; logo pasou á redacción de El Pueblo Gallego, e á de La Región, e en 1932 estableceuse en Madrid, onde foi representante da fábrica de perfumería Dana e redactor da revista Galicia. Residiu en Madrid ata a súa morte.

Como xornalista colaborou tamén noutros periódicos e revistas como Blanco y Negro, ABC, El Español, La Estafeta Literaria, Vida Gallega, Fotos etc. Foi o cronista oficial de Monforte de Lemos, o primeiro en exercer este cargo,[1][2] e membro correspondente da Real Academia da Historia. Nos seus últimos anos colaborou en Hispania Nostra e La Voz de Galicia. Finou en Monforte de Lemos o 14 de setembro de 1988 aos 89 anos.[3]

Obras[editar | editar a fonte]

  • Vida del VII conde de Lemos, 1948.
  • La condesa de Lemos y la corte de Felipe III, 1950.
  • Lemos: pequeña historia de un lugar con mucha historia, 1969.
  • Monforte de Lemos, 1987.

Recoñecementos[editar | editar a fonte]

Unha rúa de Monforte de Lemos leva o seu nome.

Vida persoal[editar | editar a fonte]

Casou en Monforte de Lemos con Purificación de la Fuente López en outubro de 1933,[4] e foi pai de María Elena Hermida de la Fuente.

Notas[editar | editar a fonte]


Predecesor:
-
 Cronista de Monforte de Lemos 
1948 - 1988
Sucesor:
José Luis Balado Pérez