Manuel Castro López

Manuel Castro López

Manuel Castro López.
Biografía
Nacemento	22 de xullo de 1860 Lugo
Morte	25 de xuño de 1926 Bos Aires
Actividade
Ocupación	xornalista
Membro de	Real Academia Galega (membro correspondente)
Familia
Cónxuxe	Ramona de la Peña

Manuel Castro López, nado en Lugo o 22 de xullo de 1860 e finado en Bos Aires o 25 de xuño de 1926, foi un xornalista e escritor galego.

Traxectoria

Retrato en Vida Gallega, 1910.

Traballou nos Xulgados de Lugo e formou parte da redacción da revista La Juventud Galaica. Militou no Partido Republicano Democrático Federal de Pi i Margall e actuou como secretario na súa Asemblea de Lugo (1887). Fundou o semanario El Ciudadano (1889) e a Asociación de Escritores e Artistas (1891). En 1892 emigrou a Bos Aires onde colaborou e dirixiu El Eco de Galicia e fundou en 1898 Almanaque Gallego. Publicou algúns poemas en galego. Foi nomeado socio de mérito da Liga Gallega (1899) polo seu labor a prol da causa galeguista.

Obras

Almanaque Gallego. Ano I, 1898, en pdf.

• Los jesuitas al desnudo, 1887.
• Hijos distinguidos de la provincia de Lugo, 1890.
• Efemérides galaicas, 1891.
• La Asociación de Escritores y Artistas de Lugo, 1891.
• Una expedición de La Coruña al Plata en 1526, 1907
• Un nuevo hijo ilustre de Galicia: Don Juan Alsina, 1908.
• La ascendencia de Ribadavia, 1919.
• De mi firma, 1921.

Vida persoal

Casou en Lugo con Ramona de la Peña Salvador en xullo de 1885.

Véxase tamén

Bibliografía

• Centro Ramón Piñeiro, ed. (2003). Narradores ocasionais do século XIX (Relato breve) (PDF). Santiago de Compostela. pp. 57–58. ISBN 84-453-3736-X. Consultado o 6 de novembro de 2013.